Поради актуелната ситуација рускиот претседател Владимир Путин во моментов тој е еден од најозборуваните луѓе, а 69-годишникот долго време умешно го сокрие својот приватен живот од медиумите и јавноста.

Јавно ги сподели само деталите кои го градат имиџот на мачо мажот кој сака да биде. Така тој беше фотографиран како јава коњи, крева тегови и позира без маица.

Тој толку многу ги штити своите деца од јавноста што јавноста не ни знае колку ги има.

Познато е дека со поранешната сопруга има две ќерки, но медиумите со години пишуваат дека има и третата ќерка.

Рускиот претседател има две ќерки од првиот брак со поранешната стјуардеса Људмила Шкребњев, со која бил во брак три децении до разводот во 2013 година. Нивните ќерки се Марија и Катерина.

Марија е родена во Санкт Петербург, односно тогашен Ленинград, во 1985 година, а Катерина е родена една година подоцна во Германија, каде што семејството се преселило поради работата на Путин. Имињата ги добиле по нивните баби.

Семејството се преселило во Москва во 1996 година, а девојчињата посетувале училиште на германски јазик.Откако Путин стана претседател, тие биле испишани од училиште и своето образование го продолжиле дома.

„Не се сите татковци толку грижливи кон децата како него. Тој ги разгалуваше, јас бев таа што требаше да ги дисциплинира“, вели Људмила.

Марија студирала биологија и медицина, додека Катерина студирала азиски студии. И двата факултети ги посетувале со лажни имиња.

Марија денес има 36 години и живее во Москва со сопругот Данец Јорита Фасен, а наводно имаат и едно дете.

Во 2017 година, Путин му откри на режисерот Оливер Стоун дека е дедо и додаде: „За жал, ретко играм со моите внуци“.

Катерина наводно живее луксузен живот и собира богатство. Се занимавала со акробатски танц, а денес работи на Московскиот универзитет и води стартап вреден 1,7 милијарди долари.

Таа се омажила за рускиот милијардер Кирил Шамалов во 2013 година, но се развеле пет години подоцна. За време на разводот беше откриено дека нивното богатство се проценува на две милијарди долари.

На интернет речиси и да нема фотографии од ќерките на Путин, само неколку од оние на Катерина кога таа играла.

Рускиот претседател Владимир Путин наводно има 18-годишна вонбрачна ќерка Јелисавета, која ја добил со чистачката Светлана Кривоногик додека сè уште бил во брак со Људмила Александровна Очеретнаја.

„Јелисавета Кривоногик има неверојатна сличност со претседателот на Русија“, објави Руски проект, повикувајќи се на фотографиите што ги добиле, но одбиваат да ги објават.

„Проект“ тврди дека добиле копии од нејзините документи во кои е идентификуван нејзиниот татко. Дека може да биде ќерка на претседателот, открива и нејзиното средно име, кое во Русија децата го наследуваат од својот татко, а се вика Владимировна.

Софтверот за препознавање лица наводно покажал дека сличноста меѓу Путин и Јелисавета е поголема од 70 отсто, што укажува дека тие би можеле да бидат поврзани.

Тинејџерката одбила да му ја потврди поврзаноста со Путин на рускиот новинар Андреј Закаров, кој прв ја објавил приказната.

Откако се појавија гласини дека таа е ќерка на Путин, Јелисавета собра над 98.000 следбеници на својот Инстаграм профил, каде што се претставува како Роза Луиза.

На социјалната мрежа таа секогаш делумно го покрива лицето, па тешко е да се забележи нејзината сличност со Путин, но затоа отворено се пофали со своето богатство и се фали со скапа дизајнерска облека.