Даниел Кајмакоски се чини како што се појави одеднаш, така и го снема од македонската јавност. Откако победи на х фактор Адрија и ја претставуваше Македонија на Евровизија 2015 години се очекуваше да направи светла иднина, но досега ништо.

Беше претставник на Македонија во Виена за европскиот натпревар на песни Евровизија во 2015 година со песната „Лисја есенски“ по победата на Скопскиот Фестивал 2014.

Во неговите рани години, тој и неговиот татко Павле Кајмакоски којшто е многу талентиран и скоро секоја работа ја научил од него свиреле заедно по свадби, крштевки и слично, па уште од тогаш бил забележан неговиот бескраен талент.

На своја 7-годишна возраст заедно со своето семејство, заминува во Виена, Австрија. Даниел има учествувано во повеќе музички шоуа, а првото учество му е на 17 години со пласман во најдобрите 12.

Ниту на приватен план не му беше ништо подобро. Се ожени со Кристина Димитриевска, добија син, но по три години заеднички живот се разделија. По ова Кајмакоски реши да се пресели во соседна Србија каде што живее во Белград.

На својата официјална страница повремено објавува детали за негови настапи во тамошни локали, а пак кон крајот на јануари по подолга пауза објави авторска песна насловена ,,Глумим да волим”.

Кајмакоски не е често активен на социјалните мрежи, не споделува скоро ништо од неговиот приватен живот, освен во некој специјален повод за настап на некоја поголема манифестација или фестивал.

Кајмакоски беше музички гостин во најновата епизода на емисијата „Лето во Србија“ која се емитува секој работен ден на РТС, па во дел од разговорот спомна дека летото го поминува најчесто работно, но има време и да се одмори.

Освен тоа, објасни и што е она коешто го има Балканот што успеало да го задржи да живее таму, а да не се врати повторно во Виена.

„Навикнат сум на градски живот, затоа Белград многу ми годи. Живеев во Виена се додека не дојдов на х фактор, победив, па се заљубив во Балканот и оттогаш останав овде.

Највеќе тука ги сакам луѓето, културата, музиката, храната, обичаите, традициите кои се многу слични секаде на Балканот, но највеќе ме купи тоа што овде се чувтвувам како по дома.

Луѓето ми дадоа огромна поддршка и затоа најдов свој дом овде. За мене остварувањето на мојот сон започна во Белград и можам да се пофалам дека имам привилегија да го живеам мојот сон“, објаснува Кајмакоски.