Слаѓан Антиќ од Врање прими две дози од различни производители на вакцини. Како што изјави за порталот ИнфоВрањска, најпрво добил Фајзер, а потоа бил повторно вакциниран со кинеската вакцина Синфоарм.

Во текот на летото бил во болница две недели поради компликации со вирусот корона, а по совет на лекар реши да ја прими вакцината, што го направи на 28 јануари. Тој ја прими првата доза вакцина Фајзер.

– Сè е според прописите, добивам СМС-порака од е-управа за да се јавам во салата за ревакцинација, терминот е напишан. Одам таму, ја предавам мојата картичка за вакцинација и чекам. Одам во кабината три и разговарам со докторот таму. Во меѓувреме, доаѓа сестра, го соблекувам дуксерот, таа ми ја дава вакцина и тоа е тоа – вели тој.

Тој го продолжува разговорот со докторот и во еден момент лекарот му кажува да не се грижи бидејќи кинеската вакцина добро штити, пренесува Телеграф.рс.

– Прашувам, како бе кинеска и тука следи општа конфузија. Тие велат дека Фајзер не се дава во оваа сала. Оттаму ме праќаат во Здравствениот дом и таму повторно се фаќаат за главата и на крајот ме праќаат во Институтот за јавно здравје, каде ме прима д-р Горан Ристиќ, ме прашува како сум, му се јавува на Батут и тоа е тоа – вели овој човек од Врање.

Тој тврди дека се чувствува лошо, и дека има некакво неописливо чувство, како целото тело да му трне.

– Морав да одам во ПТО и луѓето беа изненадени таму, но тие ми дадоа терапија. Оттогаш имав чести реакции и едноставно не сум добро – заклучува Антиќ, кој наведува дека правдата ќе ја бара на суд.

Директорката на Здравствениот дом во Врање, д-р Љиљна Антиќ, за Телеграф.рс вели дека веројатно се случило да замине во погрешна кабина.

– Но, не би треба да има никакви последици. Во таа насока, се консултиравме и со имунологот Срѓо Јанковиќ – рече таа и додаде дека е негово право ако сака да ја бара правдата на суд.