Сеќавањата на саканата личност која повеќе ја нема се и бо лни и убави. Затоа на Анџелина Ќосиќ (47) секако не и било лесно да „пресече“

И имотот за кој до неодамна се грижел нејзиниот сопруг да го подари на друг. Некој кој ќе ја продолжи таа грижа, а за возврат ќе живее таму бесплатно.

Сопругот на Ангелина заминал во вечност пред три месеци, а на прекрасната парцела во селото Дражевац има и кучиња за кои некој мора да се грижи, пренесува „Телеграф“.

– Ми треба љубител на животни кој би сакал да живее на село – ја започнува својата објава Анџелина, ставајќи до знаење кој е првиот и можеби најважниот услов за бесплатен престој на нејзиниот прекрасен имот. Љубовта кон животните.

А потоа продолжува: Пред неполни три месеци, мојот сопруг замина во вечност. Поголемиот дел од годината ја поминуваше на нашата парцела во село Дражевац и се грижеше за нашите кучиња што живеат таму.

– Не сум возач, вработена сум, имам многу мачки и кучиња во станот и поради тоа не можам често да одам во село. За нив сега се грижи мојот прв сосед, но тоа не е трајно решение, бидејќи кучињата се сами во дворот и сакаат човечко друштво – пишува таа.

Секој што би се вселил треба само да се грижи за моите кучиња, да го одржува дворот и да плаќа комуналии. Ако има свои кучиња, и тие се добредојдени, додава оваа жена.

– Се јавија многу луѓе. Дражевац е блиску до Обреновац и има добра инфраструктура и комуникација со Белград. Оттаму на работа можете да одите со локален автобус и автомобил – објаснува Ангелина.

Дури и од емотивна страна, сè уште не и е лесно да ја посети оваа парцела. Спомените се свежи, како и бо лката за неодамна изгубениот партнер.

– Засега ја претпочитам жената која прва се јави, има куче и мачка, а моментално живее како кираџија и плаќа кирија.

– Па ова би била одлична можност за неа. Во дворот има две помали куќи со бања. Мислам дека не е за поголемо семејство. Но, кој и да дојде, сигурно ќе ужива, додава таа.