Јована Митровиќ има 21 година и е студент по архитектура. На прв поглед е како сите нејзини врсници, оди на факултет, излегува, ужива во шминкањето и снимањето за Тикток.

Сепак, паралелно со сето тоа, Јована работи со полно работно време во фирмата на нејзиниот татко како камионџија – вози шлеп, кипер и работни машини: виљушкари, ролери и багери.

Таа израснала во камион со татко и и дедо и, а кога браќата решиле да го продолжат семејниот бизнис, немало сомн еж дека Јована ќе им се придружи.

Снимките на нејзиниот Тикток најчесто се направени во тие возила. Вели дека цртањето во архитектурата ја смирува, а возењето ја прави среќна.

Иако таа не е единствената жена возач на камион во Србија, сепак тоа е реткост кај нас, поради што често доживува смешни сообраќајни ситуации.

Најчесто луѓето се шо кираат кога ќе сфатат дека зад воланот на ваквото чу до стои жена, ги туркаат своите придружници да им покажат или бараат од неа да излезе од возилото.

– Баш пред некој ден се случи исто, ме пречека колега со камион и ми мавта, излегува низ прозор викајќи „Каде си, те видов“, вели Јована за емисијата „24седам со Марија“.

Таа е секогаш дотерана и нашминкана зад воланот, но штом ја снимаат се облекува во работен костим и продолжува да работи. Вели дека е полесно да се вози камион отколку автомобил.

– Кога се преместувам од камион во автомобил се чувствувам како да лежам на подот, буквално од коњ на магаре, гледам се одозгора, кога седнувам во автомобилот треба да се прилагодам, објаснува на водителката Марија Атанасковиќ.

На социјалните мрежи добива многу различни коментари, но најчести се понудите за брак кои и ги упатуваат мажите.

– На секој агол имам понуда да се омажам, a има и такви што велат „омажи се за мене, ќе ја одржуваме твојата фирма“, открива Јована.