Јован Мариќ (80), познатиот психијатар, неодамна ја изненади јавноста кога изјави дека синот Матеја (20) наводно сакал да му го одземе единствениот покрив над главата.

Станот од 120 квадратни метри му го препишал на синот кога имал само седум месеци, за да го обезбеди во случај нешто да му се случи.

Бидејќи го добил во подоцнежните години од третиот брак со 30 години помладата психијатар Данијела Тиосављевиќ- Мариќ.

– Син ми не ми се јавил долги години. Поранешната сопруга исто така не. Не знам ни дали е добар на крајот на краиштата. Немам информации за него.

Не знам ни што учи. Слушнав дека ФОН студирал, но кога отидов да го проверам, ми рекоа: „Знаеме кој си професоре, но тоа е доверлива информација, не можеме да ти кажеме дали твојот син се запишал на овој факултет“ – вели Мариќ за ,,Хепи тв”

– Би сакал јавно да му се јавам на мојот син кој живее со мајка му, кога го немам видено седум години, се обидува да ме избрка од станот што му го дадов кога имаше седум месеци. Да дојде да поразговараме, вели Јован.

Видно вознемирен и изнемоштен од короната доктор Јован Мариќ седи таму каде што ќе му биде домот доколку синот го избрка од станот – на скалите во зградата.

Пространиот салон со четири соби од 120 метри квадратни во мирниот дел од центарот на Белград е полн со цвеќиња, луксузен мебел, слики и книги.

Според д-р Мариќ, сето тоа со годините се собирало, опремувало и купувало затоа што мислел дека еден ден оттаму ќе отиде директно на гро биштата, оставајќи му се на својот единствен син Матеја, кому му го препишал станот дваесет години претходно.

Како што вели, станот му бил препишан на Матеја на предлог на тогашната сопруга кога имал седум месеци. Тој имал 60 години во времето кога го направил тоа и не размислувал за ништо друго.

Вели дека не му пречи да добие стан Матеја, дури и го сака. Зашто, како што вели, ги обезбедувал и сите свои деца.

-Не ми пречи да добие стан, негов е, ќерките имаат свој имот. Ги обезбедив сите мои деца. Постарата е во Америка, има богат сопруг, помалата живее во Сењак, тука е и е докторка.

Затоа мислев дека не е проблем да го препишам станот, бидејќи како што кажав, не ни помислував на развод, а камоли син ми да ме избрка од станот.

– Доаѓаше еднаш во две недели, а последниот период не ни доаѓаше. Потоа прекина и се обратив во центарот за социјална работа за да ми помогнат.

– Наскоро отидов да бидам амбасадор на Србија во Нигерија, поминаа две години, се вратив во Србија и нормално одам во центарот за социјална работа да се видам со син ми. Потоа ми рекоа дека има 15 години и дека има право да одлучи дали сака да ме види или не.

– Секој месец добиваше алиментација по 1.860 евра. Тоа беше најголемата алиментација што некој ја дал во државата. Не ми требаат пари, јас сум старец, не ми беше гајле.

– Следуваше неверување, дознав дека син ми и неговата мајка не сакаат да ме видат. Побарав да го добијам писмено и добив.

– Ми рекоа и дека можам да го видам син ми преку полиција, но јас не го сакав тоа. Јас сум универзитетски професор, па да го видам син ми придружуван од полиција, не доаѓаше предвид – ни рече тој.

– Сакав да воспоставам контакт со него, да му кажам, дека сум стар и болен, мене не ми треба стан ми треба некој покрај мене што ќе е во овие години.

– Немам каде да одам. Ќе спијам пред врата. Во овој стан сум континуирано дваесет години. Сè што сум купил е тука, вели искрено Мариќ.