Една од најдобрите македонската фолк пејачка Ирена Спасовска која долги години опстојува на сцената знае да ужива во секој ден од животот, а доказ за тоа се фотографиите и видеата на нејзините социјални мрежи.

Спасовска на македонската музичка сцена е присутна повеќе од 30 години, нејзината кариера започнала уште од далечната 1989 година, па може да се каже дека Ирена има свое реноме во фолк-музиката.

Нејзините почетоци се заедно со Горан и Адријана Алачки. Триото кое редеше успеси во периодот од 1987 до 1994 годин додека постоеше.

Настапуваа на сите фестивали и манифестации во Македонија во тој период. Беа познати по песните: „Денес свадба се прави“, „Доста ми се твоите лаги“, „Ова е приказна стара“ во која триото го придружуваше и Ферус Мустафов.

– На 16 години веќе бев најмалиот учесник на Фолк-фест Валандово во 1988 година, го имавме заедничкиот настап со Адријана, и сето тоа со молскавична светлина некако се одвиваше, и мислам дека до 20 години веќе го прошетав цел свет.

Ирена и Адријана беа специфични по имиџот, за секој настап беа облечени во впечатлива креација. Потоа тројцата заминаа по својот пат, а Ирена ѝ се посвети на музичката кариера, но веќе извесно време добро ѝ оди и на социјалните мрежи.

-Во времето кога јас почнував се почнуваше со оние стари, македонски песни, но јас кога почнав на 14 години во тоа време беше срамно да се каже дека пееш народно, и почнав забавно и набргу видов дека забавното некако не ме влече, и почнав од 15 години да си снимам народни песни.

Ирена ужива да патува, а често посетува егзотични места за време на летото. На почетокот на летото Спасовска веќе беше на одмор.

Пејачите особено оние кои пеат фолк песни се најангажирани за време на летото, кога има најмногу свадбени прослави. Па така тогаш слободниот период Ирена реши да го помине во луксузната дестинација Хургада во Египет.

Периодов е исто така доста ангажирана на професионален план, но сепак најде време да ужива покрај плажа за што сподели на својот профил на фејсбук.

Иренче позираше на лулашка на плажа и притоа напиша: Го следев срцето и ме однесе на плажа.