Веќе поранешниот премиер и лидер на СДСМ, Зоран Заев иако се повелече од политичката сцена и понатаму знае да биде интересен за јавноста.
Како и за многумина познати лица од јавниот живот, така и за политичарите, обичниот човек сака да дознае нешто повеќе од нивниот приватен живот.
Општо познато е дека Зоран Заев важи за доста опуштен лик кој често знае да излезе од протоколарните говори и да ги насме и орасположи новинарите, но и граѓаните.
Познато е дека Заев е фамилијарен човек и е во брак со сопругата Зорица со која имаат две деца. Ќерката Александра и синот Душко.
Ќерката во моментов е студен по медицина во соседна Бугарија, поточно Софија, додека синот Душко живее во Струмица и е средношколец.
За Душко е познато дека и тој како и татко му е љубител на мотори за што сведочат фотографиите што ги објавува и самиот Заев.
Во едно интервју, Зоран Заев изјави дека неговата сопруга Зорица е онаа која што повеќе време поминува со децата и се грижи за нив, а како пример ги наведе и родителските средби на која што оди таа.
Александра својата убавина ја наследи од својата мајка, а на нејзиниот шарм никој не е рамнодушен. Воедно таа е првото дете на Зоран и Зорица Заеви.
Во едно интервју Зоран Заев за својата ќерка рече дека таа имала голема желба да стане докторка па затоа се запишала на медицина. Тој кажа дека за прват во фамилијата Заеви ќе имаат еден лекар.
Тој тогаш објасни дека Александра ја одбрала Бугарија, а не Македонија зошто тука би била ќерката на премиерот, а не обичен студент, а таа не сакала така да ја гледаат.
Александра е доста активна на социјалните мрежи а по објавените фотки може да се заклучи дека има префинет вкус за мода.
За ќерката на Зоран Заев познато е дека е голем љубител на зимските спортови, особено скијањето, нешто кое го практикува често во овој период од годината.
Како и години наназад, така и оваа зима Александра оди на скијање, па така неодамна беше случај кога беше во француски Шамони во масивот Мон Блан во рамките на француските Алпи.
Овојпат, поточно викендов таа е во соседна Бугарија поточно во Банско каде со друштво објави како си поминува и на стаза и во локали.
