Своевремено беше еден од најпопуларните македонски пејачи но во врвот од својата музичката кариера се реши да замине во Америка.

Ламбе Алабаковски по неколку години апстиненција од медиумите, повторно е актуелен откако се врати од Америка и одлучи да остане во Македонија.

– Едноставно животот ме натера да заминам. Немаше некоја посебна причина да заминам, тогаш морав тој период да бидам таму кажа неодмана во едно од своите први интервјуа по враќањето и додаде:

– Еве после шест години се вратив овде. Животот во Америка беше убав период во мојот живот. Се посветив на семејството.

– Работам на доста нови проекти, почнав да настапувам низ Македонија, ќе излезат нови песни а се надевам таму во септември дека и албум ќе излезе.

Тој неодамна мина низ тежок период откако заврши зад решетки поради случајот со бугарскиот клуб во Битола, но се чине сега сето тоа е зад него.

Ламбе има бројни настапи ширум Македонија како и голем број договорени настапи летово и е еден од најбараните домашни изведувачи во моментов.

Освен дека е голем професионалец и одличен пејач, Ламбе покажа дека е и домаќин човек кој знае да помогне и околу фамилијарните работи.

Па така тој сподели кратко видео на кое откри дека веќе започнал со подготовка за зимницата со омилениот сок од детството.