Тамара е вистински пример, не ги заборава гладните: За Велигден подготви подароци за дури 58 семејства

  • By klaster3
  • април 22, 2022
  • 0
  • 395 Views

Често немаат ни основни прехранбени производи, а камоли нешто повеќе за празници и прослави. Деновите кога ние славиме тие ги пречекуваат во темнина, студ, без радост и еуфорија.

Тоа се луѓе кои живеат на работ на егзистенцијата, гладни и заборавени. Сепак, има луѓе како хуманата каратистка Тамара Мисирлиќ (19) од Врање, која годинава пред Велигден ќе посети дури 58 семејства и ќе донесе радост во нивните домови.

Тамара подготви 300 пакетчиња за децата од нејзиниот крај, населба Пчиња, а социјално загрозените нема да заборават на претстојниот голем христијански празник.

Подготовките ги започнала навреме – минатата недела собирала донации за оние кои нема да можат сами да ја подготват велигденската трпеза.

– Ни доаѓа Велигден, еден од најрадосните христијански празници, нема да дозволиме нашите луѓе овој празник да го поминат заборавени и без трпеза.

Во пресрет на Велигден, нашата фондација ќе ги посети сите семејства на кои им помогнавме во претходниот период (вкупно 58) и ќе додели пакети со храна – рече Тамара.

Во разговор за Телеграф.рс, младата Врањанка вели дека за сите семејства обезбедила велигденски јајца, но подготовките се уште траат.

– Купив околу 50 кутии, што е околу 150 јајца што ќе им ги однесам неколку дена пред Велигден. Претежно се` правам сама, намирниците сама ги купувам, потоа ги пакувам.

Еднаш пакував 16 часа, но никогаш не помислив да се откажам. Децата на кои им помагам се мојата најголема мотивација, а нивните прегратки и среќа ми се најголем поттик – вели хуманитарката.

Тамара за Велигден ќе израдува педесетина дечиња на кои им подготви слатки чоколадни зајачиња. Својата хуманост ја покажа и минатата година, но тогаш имало многу помалку семејства на кои им вратила насмевка на лицата.

– Ми се чини дека беа петнаесетина, а годинава ги има многу повеќе. За Велигден ќе го израдувам секое семејство на кое сум помогнала досега.

– Годинава на 24 април на Велигден ќе поставам штанд во центарот на Врање со јајца кои ќе ги обојам во розова боја и ќе подготвам крофни.

Парите од продажбата ќе ги уплатам на сметката на малиот Вукан Стоиљковиќ, момче од мојот град кое боледува од ретка болест, вели таа.

Напишете коментар

Вашата адреса за е-пошта нема да биде објавена. Задолжителните полиња се означени со *