Домаќинот Милан Шукало нашол необична глетка на својата фарма во Градишкото село Карајзовци каде маторицата опрасила дури 29 прасиња, што е рекорд, како во нивната земја, така и во околината.

Домаќинот вели дека маторицата досега не опрасувала повеќе од 22 прасиња, но минатиот викенд било поинаку. Сега, вели Шукало, ги соборила сите рекорди, и на нивната област и многу пошироко. Затоа екипата на „Глас Српске“ се упати и на макадам стигна до срцето на Лијевча, каде се увери во оваа необична глетка.

„Претпоставувавме дека ќе има многу прасенца, судејќи по спуштениот стомак, но не можевме да претпоставиме дека ќе ги има толку многу. Ова е трет пат да се опрасува, а претходните опрасувања породи 22 прасиња, што беше и очекувано вели Милан.

Ова семејство со децении одгледува свињи и смета дека една од причините за бројот на прасињата е генетиката, но и природното оплодување.

Иако оваа маторица требало да заврши во кла ница, Милан вели дека синот не дозволил и дека ќе ја „пушти“ да опрасува уште најмалку три пати.

„Имавме нешто работа на полето, а кога влегов во свињарникот да го посетам, видов четири, а потоа девет, и на крајот, кога изброивме 29 прасиња, бев во неверување“, вели Милан.

Беше неизбежно некои од нив да не издржат. Меѓутоа, овие примерни домаќини ги префрлиле прасињата на други маторици за да ги спасат. Досега петмина од нив не издржале , па се надеваат дека ќе застанат тука.

„На прасињата им е тешко да функционираат кога ќе се префрлат под друга маторица. Без разлика на сè, тие ја чувствуваат и својата мајка, која може да нахрани петнаесет од нив“, додаде Милан.

Неговиот син Драган, кој исто така работи околу свињи, бил изненаден од оваа вест, со оглед на тоа што викендов бил во Словенија.

„ Навистина ми беше мило затоа што ја помести границата од 22 на 29 прасиња и затоа што инсистирав да не оди во кла ница.

Сега оваа маторица ги држи сите рекорди во областа. Рековме дека може да биде околу 20, но, ете се надмина себеси и стана популарна“, низ смеа изјави Драган.

Тој вели дека целото семејство секојдневно работи на полињата за да подготви доволно храна за голема фарма. Тоа се, пред сè, сено, пченка, пченица и јачмен.

„ Имаме многу свињи, па ни треба многу храна. Бев и надвор, односно работев еден месец во Виена, но брзо се вратив, бидејќи домот е најубав.

Работиме понекогаш од сабајле до вечер, но никој не не тера и немаме работно време.Сами сме газди, а работата на село бара многу труд“, рече Драган и додаде дека сака да остане на имотот и живеат исклучиво од неговата работа.

Покрај сите култури потребни за функционирање на фармата, семејството Шукало одгледува и лубеници: Засадивме околу три и пол хектари лубеници, откупуваме и калемени садници, приносите беа добри, околу 80 тони по хектар и се пласираме на домашниот пазар“, рече Драган Шукало.