Лиз Дуонг е родена во Австралија, но нејзиното семејство е по потекло од Виетнам. Таа работи како видео монтажер, а пред нешто повеќе од една година сакала да го научи српскиот јазик. Таа одела на онлајн часови и решила да ја посети Србија.

За време на едно патување во Србија, Лиз се заљубила во еден белграѓанец. Вели дека тоа било љубов на прв поглед, по две недели секој ден го поминувале заедно, а потоа се вратила во Австралија.

Тие продолжиле да комуницираат преку видео повик и таа набрзо сфатила дека тоа е повеќе од само летна авантура и забава.

Таа си постави за цел добро да го научи српскиот јазик и да се пресели во Србија. Таа направила и јутјуб канал наречен ,,Лиз учи српски”

Најважно од се – навистина успешно го совладалa српскиот јазик и се преселилa во Србија. За време на изминатава зима во Србија, таа за прв пат во животот видела снег.

„Беше како да го гледам градот повторно за прв пат. Не можев да верувам како се чувствува, како перница, како памук, само ладно и влажно!“

Кога минатиот пат била во Србија, не го знаела толку добро јазикот и околу Божиќ била збунета со семејството на своето момче, како што вели „како теле низ шарена врата“.

„Беше смешно за време Божиќ, по грешка реков „навистина воскресна“, па сите се изнасмеавме“, вели Лиз за нејзиниот канал на Јутјуб.

Кога ќе го споредите животот во Австралија и овде, сè е многу различно. Во Австралија во времето кога таа заминала имало строги мерки поради корона, а овде луѓето сакаат да се дружат.

„Србите имаат толку тежок карактер и сакаат да бидат меѓу луѓето. На пример, кога ќе излезам на пијачка со група и кога Србите запознаваат нови Срби, се започнува разговор, обично луѓето сфаќаат дека се познаваат, дека се од исто место или дека студирале на ист универзитет“, вели Лиз.

„ Овде на Балканот имате поскапа технологија, камери, телефони, но и облека. Храната е поевтина овде отколку во Австралија“

Ако ја прашате Лиз кое и е омилено српско јадење, ќе наброи барем десет, Но, вели дека за период поминат овде во Србија не се здебелила, напротив ослабела.

„Мислам дека тоа е затоа што вашата храна е поздрава и поквалитетна! Иако малку се здебелив околу празниците, затоа што сакав да пробам сè, ах колку јадев!“

Брзо ги прифатила српските обичаи, па денот секогаш го започнува со локално (српско или турско) кафе и чашка ра кија: Чувствувам дека сум подготвена за живот после таа ра кија.