Елена Ристеска, една од најдобрите македонски пејачки, во последните години ја снема од јавноста, барем кога станува збор за музиката и настапите.

Македонската поп изведувачка Елена Ристеска долги години е на естрадата и важи за една од нашите најдобри и најзгодни пејачки.

Пејачката зад себе има долгогодишна музичка кариера со многубројни хитови. Иако веќе подолго време нема снимено ново музичко парче, љубителите на нејзината музика се’ уште ги слушат нејзините стари хитови.

Таа своите први чекори во музиката ги прави во раните школски денови, а во 1996 година започнува да пее во училишниот хор.

Елена официјално и стана позната на македонската публика со победата на музичкото талент шоу – „Плеј – Потрага по ѕвезди“.

Ристеска со песната „Нинанајна“ ја претставуваше Македонија на „Евровизија 2006“ и го освои 12-тото место.

За Елена Ристеска не сме слушнале или прочитале некаков новитет на музички план, но затоа веќе подолг временски период е комплетно ангажирана на својот козметички бренд „Ера“.

Како и секогаш, Елена повторно докажа дека е горда Македонка и со огромна чест ја претставува каде и да отиде, па секогаш е избор број еден кога станува збор за пеење на македонската химна или народни македонски песни на манифестации.

На прославата на Денот на независноста на САД ја имаше честа да ја испее македонската химна пред присутните и Амбасадорката на Соединетите Американски Држави Кејт Мари Брнз.

Изминатиов период се славеше јубилеј на Скопска Пивара па повторно Ристеска беше избор на пејач кој гордо ги пее македонските народни песни, па така Елена ја испеја песната Јовано, Јованке пред бројната публика.

Пејачката е ретко активна на социјалните мрежи, но затоа овојпат сподели кратки видео исе чоци од нејзиното патување во Америка, поточно во Мајами за коешто напиша:

„Најдраг Мајами, ништо нема да не раздели отсега па натаму“, стои во нејзината објава на англиски јазик.