Еден од најпознатите македонски пејачи Наум Петрески дене ги израдува со својата објава на социјалните мрежи во која што се вели:
Ви претставува “35 години НАУМ”. Концертна промоција на албумот “Најдоброто од Наум”.
Почитувани со огромна чест и задоволство сакаме со Вас да ја споделиме убавата информација дека по повод 35 годишната кариера на македонската и балканска естрада, Наум Петрески и продуцентската куќа Авард Промотион, во месец август 2022 ќе го промовираат новото издание ” Најдоброто од Наум “ кое ќе содржи дел од неговите најпознати хитови, со концертна промоција во Битола , Охрид и Скопје
Ова е фантастична можност илјадниците фанови на Наум заедно со него на сцена во живо да ги отпеат сега веќе легендарните хитови:
”Има ли песна”, “Жал за Деспина”, “Оди Ѕвездо” ……, а на славеникот како гости ќе му оддадат признание за неговиот јубилеј многу
пријатели од естрадата, пејачи, актери…
Квалитетот на внимателно одбрани песни во изведба на еден од најдобрите Македонски пејачи Наум Петрески со долгогодишно музичко искуство е одличен пат кон успешноста на новиот редок но многу значаен музички проект.
Овој проект има вистинска вредност и уметничка тежина кои се од големо значење за одржување на македонската народна музика,
За Наум многу не треба да се зборува, познат и признат на балканските простори, обожаван од сите љубители на добрата народна песна.
Како круна на неговата успешна 35 – годишна кариера на македонската и балканска естрада се случува и оваа јубилејна турнеја, кој може слободно да го наречеме сребрен јубилеј со златни песни.
Музичкото културното наследство кое ни го оставија доајените на македонската народна песна, Никола Бадев и Александар Сариевски е бесценето, а нивната антологиска трага гордо и достоинствено продолжува со живата легенда и еден од најквалитетните пејачи на Балканот, Наум Петрески, човекот со глас кој никого не оставил рамнодушен.
Почитувани медиуми се надеваме на поддршка и соработка од Ваша страна и дека заеднички ќе ја доживееме убавината на овие
грандиозни концерти, ќе ја слушаме македонската песна отпеана со кадифениот глас на Наум Петрески и едноставно ќе уживаме во
незаборавни концертни вечери Со Почит.
