Кристина Димитријевска која ја освои тутулата на Мис Балкан, е една од нашите најпознати манекенки и фотомодели.

Откако пред три години се разведе од Кајмакоски, моделот, а од неодамна и пејачка, Кристина Димитријевска, продолжи со кариерата и повторно се врати на сцената.

Кристина за време на пандемијата освои необична тутула за Мис, Мис карантин. Да се биде „Мис карантин на светот” е ново искуство и титула која секогаш ќе ја паметам. Конкуренцијата беше преку 200 девојки од целиот свет“, изјави Кристина за тоа искуство.

Освен што и се врати на манекенската кариера, која ја стави во мирување кога во 2017 година го доби синот Давид во бракот со музичарот, таа периодов е една од најангажираните пејачки во нашите клубови, а настапува заедно со диџеј Боно.

Според заедничките фотографии кои ги објавуваат на социјалните мрежи, а на кои се гледа нивната блискост, не требаше многу, а да започнат шпекулациите дека музичкиот пар е во врска.

„Иако се знаеме кратко, имам чувство дека се познаваме со години. Поради таа близина, која се гледа и на сликите, најверојатно се појавија муабетите дека сме во љубовна врска“, изјави Кристина.

Кристина најчесто е поврзувана со епитетот бившата на Кајмакоски, но вели дека не се срами од тоа, а сигурна дека со градењето на кариерата, со успесите кои ќе следат, тоа ќе се тргне.

„Ми смета тоа што кога сум донела некоја титула, некоја песна, медиумите секогаш сакаат да го поврзат него со мене, ама знам дека еден ден ќе се избрише тоа“, вели таа.

„Не сакам синот да го експонирам ни да го покажувам, го бива и за глума и многу други работи и не ми смета ништо што е дел од моето минато, свесно сум го избрала тоа.

Не сум строг а мајка, се обидувам со разбирање да допрам до него, не може да очекуваш петгодишно дете да биде како 15 години, треба многу трпение и многу љубов“.

Кристина искрено проговори за првиот впечаток кој го имала за нејзиниот поранешен сопруг, во споредба со сегашното мислење.

„Пред неколку години првиот впечаток ми беше дефинитивен – тоа е тоа, леле добар човек, сега го немам тоа мислење, ми треба време и сето тоа го прави искуството.

Да не паѓаш баш на прв впечаток, за физички изглед или ти се свиѓа или не, ама за карактерот треба да оставиш да се докаже“, кажа таа во емисијата Нешто конкретно.

Јасно стави до знење и за тоа каков маж не може да ја освои: „Како моите досегашни бивши на пример“.