Додека влегуваат во становите за да ги извадат работите, ги товарат во комбе и ги транспортираат до друга дестинација, тимот на млади луѓе во тимот на ,, Стронг гајс” навистина изгледа како да излегле од некоја популарна ТВ серија.

Сите носат бели маички со трегер (долги или кратки ногавици) и везено лого на фирмата, љубезни се, мирни, а најважно за нивната работа – силни.

Јаков Нинковиќ (29) од Ваљево дошол на идеја да отвори поинаква компанија за преместување, а францускиот дизајн и бројните детали во брендирањето на фирмата ги донела неговата сопруга Катарина Нинковиќ (29) порасната во Франција.

Јаков работеше нешто повеќе од една година во фирма за преместување во Белград, каде што се стекна со големо искуство и увиде дека оваа работа има голем потенцијал доколку се работи на вистински начин.

,, Целта беше да има што повеќе клиенти, а квалитетот на преселбата беше втор. Оваа област е доста застапена на српскиот пазар и поради тоа на многумина не им е грижа што нивните клиенти постојано се менуваат: едноставно немаат ниту желба ниту интерес да ги задржат.

Не можев да останам рамнодушен, па вечерта во кревет размислував за клиентите со кои сум и како сето тоа да биде поорганизирано“, се сеќава Јаков како за создавањето на фирмата.

Со Катарина сонувал дека клиентите ќе дојдат кај него по препорака, дека ќе прават семејни преселби и дека акцентот ќе биде ставен на младите кои се преселуваат од градот во село, па така Неговите планови набрзо почнале да се остваруваат…

„Наместо, како многумина, да не обрнуваме внимание на работниците кои само ќе дојдат и ќе го пренесат потребното, сакавме да создадеме униформиран тим, секогаш подготвен, културен и да оставиме добар впечаток.

Доаѓаме подготвени и со сите потребни алатки. Колку и да изгледа чуд но, наша цел е навистина да не земаме што е можно повеќе пари, а притоа да им удоволиме на клиентите“, објаснува Јаков за ,,Приказни за душа”

Досега претежно преселувале лица на возраст од 30 до 50 години, а на студентите и бабите и дедовците им даваат посебен попуст.

Тие неодамна дојдоа на идеја еднаш месечно бесплатно да ги преселат младите од градот на село: Сакаме да и помогнеме на помладата популација која може да си дозволи да живее надвор од градот и да се пресели во куќа на село.

,, Би сакале да најдеме повеќе вакви приказни и да ги поддржиме. Младите засега ги преместуваме еднаш месечно бесплатно, без разлика дали се работи за пар, самец или со деца. Сакаме да ги слушнеме нивните приказни, тие не контактираат, а ние избираме кого ќе преместиме, додава тој.

Јаков е теолог и дипломирал на Православниот богословски факултет, а Катарина дипломирала на Вишата текстилна школа во Франција. Се запознале во фирмата каде што работеле и двајцата, денес се во брак и живеат во Ваљево.

„Мојата сопруга има исклучително чувство за дизајн, а целата приказна што ја замислив во мојата глава на почетокот визуелно ја претстави на хартија и на компјутер.

Работевме на логото заедно, но Катарина даде француска финес на повеќето работи, како униформите што на крајот ги нарачавме во Франција, бидејќи не можевме да ги најдеме во Србија. Дизајниравме и одела, капи, ранци, лепливи ленти, дури и шишиња со вода за работниците, а планираме да брендираме и некои други работи“, рече Јаков.

Работниците кои работат за ,,Стронг гајс” се млади луѓе кои спортуваат и имаат претходно искуство со селење. Јаков ги обучувал сите и сега, како што вели, подобро од него транспортираат, расклопуваат.

„Во тимот имаме борач кој тренира за репрезентацијата и кој има желба да освои олимписки медал. Има и еден колега кој студира ИТ инженерство и кој ќе остане кај нас уште две години, додека не заврши факултет. Се грижиме момците да бидат вредни, учтиви и силни, односно имаат тренинг рутина“.

„ Блиските беа скептични, но само додека бизнисот не почна да расте. Се сеќавам дека кога беше отворена фирмата немав комбе и дека користевме возило на колега. Со тек на време се си дојде на свое место“, вели Јаков.

Историјата на комбето има свои корени во Швајцарија, каде што во него се превезувале ученици од Луцерн. Случајно стигна до Нинковиќ и денеска е дел од Стронг Бојс.

Јаките момци можат бесплатно да ги проценат трошоците за вашиот преселба, а кога ќе дојдат дома, покрај превозот и преселбата, претходно ги пакуваат и штитат работите, ги склопуваат и расклопуваат.

Доаѓаме на адресата, ги земаме кутиите и пакуваме сè: од садови до облека. Луѓето не пуштаат во станот, а се останато е наше. Секако, пред тоа треба да фотографираме се, за да знаеме колку луѓе да ангажираме и колку кутии да донесеме. Во целиот процес Катарина е задолжена кога станува збор за пакување ситници“, рече Јаков.

„Се трудиме работниците да не се преоптоваруваат. Фокусирани сме на семејни и канцелариски преселби“.
„Не носиме сефови, банкомати и други работи кои се премногу тешки. Понекогаш имаме пијано, но тоа е најтешкото нешто што го носиме.