Семејството Ѓорѓевиќ од Грачаница, кое со години живее во тешки услови и трошна куќа, наскоро ќе се всели во нов дом.

Со средства на локалната самоуправа почна изградбата на нова куќа во која наскоро треба да се вселат Ѓорѓевиќ, јавува РТС.

Оваа зима е речиси неподнослива за брачниот пар Ѓорѓевиќ од Грачаница. Тие се стари, исцрпени и бо лни, а покривот над главата им е најголема грижа.

Ја наследиле куќата во која живеат. Зоран Ѓорѓевиќ не се сеќава кога ја изградиле неговиот прадедо и дедо. Покривот на куќата бил навален како и ѕидовите.

– Вредноста на куќата е околу три милиони динари со површина од 63 метри квадратни. Се состои од две соби, ходник, кујна со трпезарија, бања и тераса до делот за лица со посебни потреби – вели градоначалникот Новак Живиќ.

Било земено предвид дека од дома може да влегува и излегува долгогодишен ин валид Весна Ѓорѓевиќ, која со години е во таква ситуација.

Весна е слепа десет години. За неа се грижи ќерката Маја која секојдневно минува над дваесетина километри. Ноќе, кога на мајката и треба помош, таа не може да остане со родителите.

Сега во новата куќа ќе има соба за да може да спие и да им помага на родителите, како и да биде поблиску до нив за било што.

– Живеевме многу тешко, куќата се навалува од ден на ден. Ја крпевме колку што можевме, време беше да ја сру шиме и да почнеме да градиме нова.

За нас нема поголема радост. Благодарност до сите што помогнаа, инаку со ваква куќа незнам уште колку долго ќе теравме – истакнува Зоран Ѓорѓевиќ.