Своевремено важеше за еден од најдобрите и најбарани музички изведувачи во нашата држава, но се реши да направи пауза и да се повлече од сцената.
Сите ние го знаеме како Тони Зен, а неговото вистинско име и презиме ме се Тони Петковски.
Почитувани пријатели, неодамна решив да превземам одговорност за моите музички албуми и концертни изданија и самиот да ги продавам онлајн, воедно и дистрибуирам лично до сите вас.
Целта ми беше да се подигне свеста кај публиката, но и кај самите автори, дека е потребна меѓусебна соработка и поддршка во овие тешки и кризни моменти, но, исто така е потребно да се има почит и разбирање, и не само сега, туку секогаш.
Бидејќи со купување музички албум, цеде, плоча, касета, со купување книга, фотографија, уметничка слика, со купување карта за било каков настан итн., вие ги поддржувате македонските автори од било која област и на тој начин ние опстојуваме, да нема публика, нема да постоиме.
Искрено не очекував дека ќе има толку голем одзив и заинтересираност, меѓу првите кои нарачаа да си купат албум или цела дискографија беше и градоначалникот на град Скопје, Петре Шилегов, респект и благодарност за човекот затоа што ја препозна и прошири мојата иницијатива, до некаде целта ми е остварена, но треба уште многу да се работи, односно да соработуваме и поддржуваме меѓусебно, за полесно да поминеме низ ситуацијава во која сите се наоѓаме.
Оваа иницијатива и овој пост немаат никаква политичка позадина, поштедете ме од судови, етикетирања, шпекулации, идеи и приказни.Ве поздравувам сите и ви се заблагодарувам затоа што нè поддржувате и ни давате надеж и мотив да продолжиме да го работиме она што најдобро умееме и го сакаме.
Денес Тони Зен повторно преку својот профил на фејсбук се огласи и порача:
ПОЧИТУВАНИ ПРИЈАТЕЛИ! Ви соопштувам дека се уште можете да нарачате од моите албуми и DVD изданието со концертот, овој пат имам повторно на располагање од албумите “МикроСкопски организам” и “Од изворот на изборот”.
Двата албума и DVD = 700 денари, Двата албума = 500 денари, МикроСкопски Организам = 300 денари, Од изворот на изборот = 350 денари
Доставата е бесплатна низ цела Македонија, а за вие во Скопје што сте може и лично на рака. Благодарност до сите за поддршката и респектот.
