Не постои човек кој барем еднаш во животот не помислил колку би било убаво да добие наследство од некој близок или далечен роднина.

Секому добро би му дошле неколку милиони на сметката без ниту малку труд – пари кои не би знаел на што попрво да ги потроши.

Но, постојат и луѓе на светот кои не размислуваат така, па и покрај тоа што добиле огромно наследство сепак решиле парите да ги пренаменат за друго.

Траудл Енгелхорн-Векијато по чина во септември на 95-годишна возраст и остави имот вреден повеќе милијарди долари на нејзината внука Марлен Енгелхорн.

30-годишната наследничка која живее во Австрија, вели дека не е заинтересирана за наследството што дошло од хемиската компанија на нејзиното семејство, кое се проценува на 4,2 милијарди долари.

„Сценариото што го посакувам е да се оданочам“, изјави Марлен во интервју за Њујорк Тајмс по добивањето на наследството.

Енгелхорн решила да отстапи 90 отсто од своето наследство, а најмногу би сакала државата да ги земе парите за да ги прераспредели што е можно подобро.

Богатата наследничка се осврна и на своето богатство во интервју за VICE News минатата година, велејќи дека „ниту еден маж не треба да има толку многу пари и моќ“.

Знаејќи дека еден ден ќе наследи огромно богатство, Енгелхорн го помина поголемиот дел од последната деценија застапувајќи се за зголемување на даноците, така што нејзиното богатство ќе биде намалено и прераспределено од државата.

За таа цел, Марлен ја основаше Tax Me Now, здружение на богатите.луѓе од Германија кои бараат поголемо оданочување на нивните приходи и богатство.