Како што е познато Беким Сали го замени Венко Филипче на позицијата Министер за здравство.

Сали е доктор по стоматологија со богато професионално искуство во оваа област и во менаџирање во здравството.

Средно училиште завршил во 1997 година во СМУГС „Д-р Панче Караѓозов“ во Скопје. Во 2007 година дипломирал на Стоматолошкиот факултет во Скопје, по што продолжува на постидпломски студии за јавно здравје.

Зад себе има ангажмани во невладиниот сектор за здравство како и во министерството за здравство.

Основач е и претседател на Здружението за здравствена култура и воспитание „ПроВита“ – Скопје. Свето професионално искуство го надградувал како член на Стоматолошката комора на Република Северна Македонија, член на Здружението на албански стоматолози и член на Здружението на Албанските имплантолози во републикава.

Учествувал на научни активности од областа на стоматологијата организирани од Стоматолошката комора и Здружението на албанските стоматолози на Република Северна Македонија.

Во 2008 година ја основал и бил директор на стоматолошката клиника „Молар“ во Скопје.

Од 2009 до 2010 година е шеф на кабинетот на министерот за здравство и претседател на Управниот одбор на Фондот за здравствено осигурување.

Своето политичко искуство го отпочнува како претседател на огранокот на општина Чаир на движењето „Беса“. Од 2019 до 2020 година бил организациски секретар на партијата „Алтернатива“.

Од 2020-2022 година бил генерален секретар на „Алтернатива“ и кандидат на локалните избори во Чаир.

Министерот денес беше во посета на Кичево, за што информираше на својата фејсбук страна:

Денес бев во посета на општина Кичево каде имав средба со градоначалникот Фатмир Дехари. Разговаравме за предизвиците со кои се соочуваме во рамки на проектот за изградба на новата болница во Кичево и можностите за нивно надминување.

Веднаш по средбата заедно со градоначалникот Дехари го посетивме новиот објект на кичевската болница каде на лице место направивме увид и ја констатиравме моменталната состојба на терен.

Во наредниот период интензивно ќе работиме на констатираните предизвици и нивното надминување во интерес на унапредување на здравствените услуги за Кичевчани.

При оваа средба, она што влезе во очи на многумина е стилот на Беким Сали, односно неговите обувки кои што ги носеше.

Имено на себе имаше бели патики, нешто по кое е препознатлив албанскиот премиер Еди Рама.