Приказната за баба Душанка Цветковиќ и нејзините шест внуци кои живеат во сиромаштија ги допре срцата на хуманите луѓе.

Откако најстариот внук се обиде да посегне по својот живот поради долгови, хуманитарци од цела Србија, па и од Америка се јавија со желба да овозможат достоинствен живот на семејството, пренесува tvzonaplus.rs

Работите за реновирање на домот на Цветковиќ се веќе започнати, за што се погрижи Фондацијата „Старт живот“, а се пријавија и надлежните институции, но и луѓе со добра волја кои сакаат да ги раздолжат семејните долгови.

Да потсетиме, тешка судбина ја снајде Душанка Цветковиќ од нишката населба Брзи Брод, која кулминираше со обидот за одземање на живот на нејзиниот 22-годишен внук, едно од шесте деца на нејзиниот по коен син Бојан.

– Постојано велеше: „Сакам да одам кај татко ми“ …. Претпоставувам дека мислеше дека не може да се носи со овој живот. Беше загрижен дека Центарот за социјална работа ќе ни ги одземе децата, вели Душанка.

– Се уште не сме ја платиле погребната опрема за син ми, ја чекаме таа пензија. Се плашиме дека во секој момент ќе ни јаисклучуваат струјата.

– Најважно е моите деца да останат заедно, да не ги разделуваат, да останеме сите заедно – заклучува загрижената старица.

Седум од нив живеат од пензијата на Душанка од 15.000 динари, плус уште 20.000 динари, колку што добиле на име на туѓа нега и помош за децата.

Внуците треба да ја наследат татковата пензија, но постапката за остварување на ова право се уште е во тек и тие се препуштени сами на себе.

Насобрале долгови од кои најголемиот е за струја од 1.300.000 динари, па Душанка тврди дека сиромаштијата била причината што нејзиниот најстар внук донел таква одлука која за среќа не завршила со последица.