Популарниот рапер Михајло Веруовиќ, попознат како Војаж, во последно време важи за еден од најбараните изведувачи иако има само 20 години.

Како што парите одат со популарноста, Михајло открил дека на мајка си и купил парцела за куќа, што била негова голема желба.

– Мојата најголема желба е да и изградам куќа на мајка ми, се е веќе во тек. Купив парцела и почна да се гради. Кога мајка ми слушна дека ќе и изградам куќа, секако беше изненадена и задоволна.

– Дополнително, би сакал да купам стан за мојот помал брат и да отворам локал. Тој ми е помал брат, полу брат ми е, но го сакам со сето срце – вели Михајло.

– Покрај музиката, имам неколку бизниси во најава, а тие се поврзани со дигитален маркетинг и рекламирање. Го видов мојот интерес во таа насока.

– Се надевам дека тимот и јас ќе направиме нешто – изјави раперот и призна дека е свесен колку луѓе се заинтересирани за неговиот живот.

– Сега кога го достигнав нивото на зрелост, видов и научив многу работи. Ова е брза работа, повеќе се подготвувам за албумот.

– Годинава ќе излезе најслушаниот албум во светот на рап музиката – вели Војаж, кој постојано го чувствува пулсот на публиката.

– Покрај целата слава и материјални работи што ги добив, најважното нешто што ми беше одземено е времето. Некогаш не го гледам семејството долг период, а престанав да се гледам со моите пријатели бидејќи немам време.

Свесен сум дека моето откажување е неопходно, бидејќи од мојата работа се хранат најмалку шест семејства. Ако направам една грешка, шест семејства ќе останат гладни, изјави Војаж во една прилика.

Младиот пејач работи напорно и ги полни клубовите и дискотеките ширум Балканот и Европа, а чест гостин е и во Македонија. Македонската младина го обожава, а несомнено е дека и тој ја сака Македонија по она што го направи на еден од настапите.

Имено, додека настапуваше во еден македонски клуб, од првите редови на публиката му подадоа шешир со ѕвездата на Кутлеш и името Македонија.

Војаж со видлива радост го стави на глава, покажа срце во вид на љубов, а на крајот го бакна. Направи гест што е навистина за почит.