Кога Јордан Митев, еден од најпознатите и најдобри македонски пејач на фолк музика настапува, тогаш забавата е неизбежна. Родум е од радовишко, потекнува и живее во Подареш.

Основното образование го завршил во родното село, а подоцнежното образование го продолжил во Радовиш. Средното образование го продолжил во музичкото училиште во Штип.

Веднаш по своето средно образование продолжува на факултетот за музичка уметност во Скопје на отсекот, „Музичка теорија и педагогија со народни инструменти”.

Во брак е со Славица Митровска, Македонка родена во Австралија, тие решија да се вратат во Македонија каде живеат и денес.

– Се запознавме во Австралија, мојата сопруга е родена таму, таму има живеено. Ете, така некако се споија работите да биде што биде и излезе да живееме овде. Во Австралија одиме прилично ретко, рече Јордан па потоа се пошегува:

– Ваков човек како мене, лесно е да освои. Јас една година однапред бев закажан и така ете ги редевме работиме кога јас одев во Австралија професионално, да биде и приватно гостување.

Несомнено е дека Јордан Митев би бил број еден избор при развеселувањето на македонските свадби, крштевки, родендени и други свечености. Со него забавата секогаш е загарантирана.

Така, Митев уште сега сподели дека кон крајот на август ќе одржи концерт во Швајцарија, но и татковината не ја остава без неговата музика. Во таа прилика напиша:

„Почитувани фанови, Со задоволство сакам да ви го најавам мојот солистички концерт закажан за 20ти јули (среда) на ракометно игралиште во убавата Битола!

Организатор на концертот ќе биде еден од ретките менаџери во Македонија кој што е посветен на домашните македонски изведувачи, а тоа е Благоја Стојановски, познат како Пикси-Шанел.

Драги мои, често ме прашувавте кога концерт, еве повелете на 20ти Јули во Битола. Ќе ми биде голема чест и мотивација за понатамошна моја работа на полето на фолк музиката да ве видам во што поголем број.

Живи и здрави до тогаш, се гледаме! (Наскоро ќе бидат објавени сите подетални информации)“, објави Јордан.