Дека тој што чека еден ден ќе дочека докажува и примерот на Милан Томиќ од селото Гојина Гора, кој своевремено беше најпознат ерген во Србија.

Тој освои многу срца со својата искрена желба да најде сродна душа која не бега од животот во селото каде што живее. Тогаш сите беа воодушевени од неговата постапка, но вистинската невеста никогаш не дошла на прагот да ја израдува неговата стара мајка.

Многу луѓе тогаш велеа дека девојките навистина бегаат од животот на село, напорната работа и дека речиси сите што сакаат да се венчаат ја претпочитаат градската средина.

Меѓутоа, кога самиот престанал да се надева, се случи чу до. Милан ја запознал жената на неговиот живот, се заљубил на прв поглед и се верил.

„Животот е непредвидлив и убав. Кога јас, може да се каже, се откажав од бракот, таа се појави. Се запознавме сосема случајно, таа не ни одговори на мојот оглас на Фејсбук за кој слушна цела Србија.

Дури подоцна кога и кажав дека сфатила дека сум јас. Љубовта меѓу нас се случи на прв поглед. Таа е прекрасна личност и има се што отсекогаш сакав.

Живее во Панчево, а во септември ќе се пресели во моето село.Подготвена е да го напушти градскиот живот, удобноста и нејзината работа заради љубовта. Нејзе и се допадна мојата искреност, каков човек сум и затоа срцето ми е полно“, вели овој иден младоженец.

Веста дека ја нашол својата сродна душа и како се надева дека ќе се сакаат цел живот, израдува многумина. Но, сепак, најголемата благодат ја доживеа неговата стара мајка.

Куќата ја уреди со својата чесна работа и со десет прсти обработува неколку хектари земја, се занимава со овоштарство и сточарство. Тој посочува дека е тешко да се работи на село, но може добро да се живее само од работата.

„На жена ми ништо нема да и недостига. Постојано велев дека иако живееме во село не е џун гла, во близина има училиште и автобуска станица. Патиштата се добри.

Среќата си ја најдов, но се уште има многу неженети момци по селата во нашиве простори токму затоа што девојчињата претпочитаат да работат во град, па макар и за мала плата. Се надевам дека тоа некогаш ќе се смени, да не ни се затвораат училиштата и селата“, додава Милан.

Овој вреден планинар е само уште еден доказ дека среќата доаѓа кога најмалку се надевате и очекувате. Вистинска среќа доаѓа во домот на Милан оваа есен, желбите на неговата и на мајка му се исполнија бидејќи прагот ќе го помине снаа, пренесува пинк.рс.

Фото: Приватна архива