Македонската пејачка Маја Оџаклијевска беше една од најголемите југословенски ѕвезди, која со својот раскошен вокал ги изведе некои од најубавите, но и најтешките песни.

Песни кои се уште се предизвик за младите пејачи. Иако имаше голема слава, пејачката последните години се повлече од јавниот живот и живее како пензионер.

Таа смета дека луѓето со преголеми амбиции се во суштина не среќни и затоа е благодарна што има покрив над главата, што да јаде и да облече.

Маја вели дека во пензионерските денови секој слободен момент и го посветила на внукот Лука, а открива дека прифаќањето на финансиската состојба и донело душевен мир.

– Луѓето со преголема амбиција се не среќни. Можам да имам империја, тоа не значи ништо. Материјалното не ми значи ништо.

– Немам куќа на Дедиње и базени, 35 години живеам во мал стан и задоволна сум од тоа. Не се работи за скромност, туку за разбирање на ситуацијата и сопствените потреби. Задоволство ми е да имам покрив над глава, што да јадам, каде да спијам и што да облечам – започна Маја.

– Парите треба добро да се распределат, тоа е поентата. Никогаш не сум позајмила. Мајка ми еднаш ми рече: „Рашири се колку ти е долга чергата”.

Ако имате ќебиња свиткајте ги нозете, ако имате јорган истегнете се. Не сакав да бидам должna. Не секогаш заработував, но добро опстојував. Луѓето никогаш нема да имаат доволно пари, колку и да имаат, ќе измислат нова потреба.

Сепак една весела вест доаѓа за Оџаклиевска која живееше од пензија од 30.000 динари (15.000 денари). Владата на Србија го усвои предлогот на комисијата за доделување признание за врвен придонес во националната култура.

A дваесетина уметници, меѓу кои и пејачката Маја Оџаклијевска (67) ќе добијат додаток од 60.000 динари за редовна пензија, односно национална пензија, за остатокот од нивниот живот.

– Се надевам на национална пензија, не поради пари туку поради задоволство. На некој начин, тоа ми е признание дека направив нешто што го започнав како што треба.

– Снимив филм за да ја исполнам желбата на мајка ми. Работев напорно, преживувајќи го секој текст неколку пати. Кога учествував на фестивалот, работев на песни за да ги отпеам најдобро што можам.

Ја вложив душата, енергија и време и затоа и ги добив сите овие награди. И јас функционирам со мојот буџет, не смееме да го надминеме нашето достоинство, па да клекнам и да молам – вели за ,,Блиц” Oџаклиевска