Веруваме дека секој здрав човек ужива да јаде, но ретко кој сака да минува време во приготвувањето на истата.

Сите предности и недостатоци на кулинарскиот занает ќе ни ги објасни еден од најуспешните млади готвачи – Марко Комадина.

– Кога го сакаш тоа што го работиш, ништо не ти е тешко, вели Марко за Информер.рс.

Без добар алат нема занает, а без добар готвач нема вкусна храна. За некој да стане врвен готвач потребно е трпение, а најмногу љубов и волја за учење и усовршување.

Дваесет и шестгодишниот Марко Комадина велат дека е еден од најдобрите во својот бизнис, а тој тврди дека уште од мали нозе знаел што ќе прави кога ќе порасне.

– Уште додека бев со баба ми и мајка ми постојано бев во кујната и така се роди љубовта.

Веќе во основно училиште, јас бев единствениот кој знаеше дека кога ќе порасне ќе биде готвач. Ја сакам храната уште од мал и сакам да пробувам нова храна.

Готвачите веќе подолго време се на листата на дефицитарни занимања, а побарувачката за нив кај нас, но и во светот е голема.

– Уште во средно училиште напорно работев и станав член во Клубот на помлади готвачи. Посетив 3 светски натпреварувања, две Олимписки игри и еден натпревар во Луксембург и Штутгарт.

Како репрезентација на Србија донесовме речиси 15 медали и најдобро што можевме ја претставивме нашата земја.

Марко додава дека сака да готви специјалитети на италијанската и француската кујна,

– Странците нарачуваат работи кои освен во Србија не можат да ги јадат никаде, како јагнешко, кајмак…

Се трудиме преку модерни техники да им ги покажеме вкусовите на нашите домашни јадења.

Во Србија гастрономијата напредува, луѓето се образуваат и стануваат поотворени да пробуваат нови вкусови.

Тој има само пофални зборови за своите колеги готвачи и наведува дека Србите се многу ценети насекаде во светот кога е таа професија во прашање.

– Српските готвачи се многу вредни, креативни и посветени на својата работа. Многу колеги се обидуваат да ја подобрат нашата гастрономија за да го достигнеме светското ниво.

Патот на Марко Комадина не бил лесен и барал многу жр тви – вложил многу труд, но вели дека вредело.

Неговиот план е да остане во Србија и најголема желба му е еден ден да стане сопственик на негов ресторан и да го шири знаењето на помладите генерации готвачи.