Елена Ристеска и Ламбе Алабаковски се претставници на една музичка ера која одбележа еден убав период на музичка сцена.

Своевремено тие беа едни од најпопуларните и најбарани изведувачи. Но подоцна секој трга по својот пат. Ламбе замина за Америка а Елена покрај музиката се насочи на други бизниси.

Овојпат после долги години тие повторно се сретнаа овој пат во емисијата ,,Еден на еден” кај Жаре каде имаа што да кажат.

– Иако бев таму, цело време мислите ми беа тука. Живеев во Детроит, таму има доста македонци, па потоа се преселив во Чикаго.

– Таму работев се и сешто, најмногу се задржав во транспорт и камиони тоа го работев. Генерално повеќето балканци се занимаваат со камионџиство, вели Ламбе.

– За да можеш тука да работиш а да останеш нормален треба да имаш коњски сили и коњски нерви, дури во последниве години е тоа нагласено, вели Елена Ристеска.

– Овде немаш многу опции во дадени професии. Например овде кај нас пратечки вокали дали има четворица што се занимаваат професионално. Изборот ни е многу мал, додава таа.

– Со Ламбе се познаваме од многу одамна, јас му имам напишано три песни кој се посветени за него и за тоа што тој поминваше во тој момент.

– Тој имаше немили сцени со мајка му а песните ,, Море од солзи” , Ех да можам да го вратам времето” и ,,Бело е се” беа наменети за мајка му за жал истата судбина ја доживеав и јас неколку години подоцна, вели Елена со солзи во очите.

– Сега пред некоја недела настапував во Битола концерт посветен на Аки Рахимовски. Е тој настап ми беше прв после седум години, вели Алабаковски.

– Сакам да снимам песни, свирки и настапи, искрено ми недостасуваше пеењето. Кога бев посветен и на барот на плажата кај Дупени, додава тој.

– Фестивалите не се тоа што беа, свесни сме дека ги има се во помал број. На нив започнаа да пуштаат секакви песни, затоа е многу битен апелот и каква ќе е композицијата, вели Ристеска.

– Сега сум во Битола, јас не би споредувал многу како е во Америка и како е кај нас. Неблагодарно е да се споредува тоа.

– Ај да споредуваме Америка со Германија има за што да зборуваме но тука… На мене овде се ми е убаво се ми е исто скоро, вели Ламбе во ,,Еден на Еден”

– Има многумина што се враќаат од Америка не сум единствениот. На мое изненадување се уште ми приоѓаат и се сликаат со мене иако не сум издал песна скоро седум години. На што ова Елена се придодаде и одговори:

– Јас иако не објавувам песни се уште сум активна музичка, оваа година одбележувам 20 години на музичката сцена, се уште пишувам песни.

– Ако извадам нешто ново, тоа мора да биде досега не видено. Не можеш 20 години да работиш по исто, денеска младите обрнуваат многу внимание на тоа, додава Елена.