По ситуацијата со вирусот полкеа но сигурно се враќа фрекфенцијата на патници од аеродромите ширум светот, но и во Македонија.

Сепак како голема пречка која се појави е недостигот од работници што влијаеше на голем број одложени или откажани летови.

Бројни аеродроми но и авиокомпании се соочуваат со оваа пречка која најмногу се одразува на патниците.

Како што е познато најголемиот авиопревозник од и до нашата држава Визер неодамна откажа или пак намали летови од и до Скопје и од и до Охрид.

Визер сега го финализираше својот распоред за зимската сезона за базата во Скопје, кој започнува на 30 октомври, оваа година и завршува на 25 март, следната година.

Унгарскиот нискобуџетен превозник ќе сообраќа на 30 линии од Скопје во текот на сезоната, една помалку од оваа летна сезона.

Релацијата Скопје – Малта е таа што не е спомената во распоредот на зимско-сезоната. Летовите на оваа релација ќе престанат на 29 октомври и се очекува да бидат обновени следната летна сезона.

Летовите за Братислава ќе се зголемуваат три пати неделно во текот на зимската сезона.

Од 31-ви октомври, авиокомпанијата ќе ги отстрани трите авиони Ербас А321 со 230 седишта од базата и ќе ги замени со Ербас А321нео со 9 седишта поголем капацитет од А321.

Визер ќе работи со различен распоред во периодот декември – јануари и во него некои линии ќе се зголемат, а на некои ќе го променат денот на летање.