Една од најпознатите македонски поп-пејачки, писателки и телевизиски водителки Сузана Турунџиева често знае да привлече внимание на јавноста.

Популарната Сузе е родена во Битола, на 9 март 1969, како второ дете во семејство на просветни работници. Уште од шест годишна возраст го изучува пијаното, а на дванаесет години сама, без знаење на своите родители, со своите заштедени пари си купува гитара, на која сама почнува да учи да свири.

Во 1984 година се запишува во Средното музичко училиште во Битола, на отсекот по соло пеење во класата на професор Пеце Митревски.

Во текот на четирите години освојува вредни награди на републичките и сојузните натпревари по соло пеење, како: прва награда на републичкиот натпревар по соло пеење во Скопје, во 1985 година, како и прва награда на сојузниот натпревар во Белград по соло пеење, во текот на истата година.

Во 1991 година, после дипломирањето на Ф М У, заминува во Австралија, на покана од К У Д „Александро Турунџев“ од Мелбурн. Покрај неколкуте успешни концерти низ Викторија, во ноември истата година учествува и на еден натпревар за пеење

– „Да пеам, да те натпеам“, каде ја освојува првата награда. По враќањето од Австралија, се запишува на постдипломски студии по соло пеење на ФМУ Скопје, и започнува да работи како професор по соло пеење и камерна музика во средното музичко училиште, Илија Николовски Луј.

Во периодот кој следува, активно се занимава и со естрадно пеење, каде покрај класичната, мошне успешно се испробува и во поп, џез, блуз, кабаретската и евергрин музиката. Паралелно со професорската дејност, Сузана Турунџиева работи и како хонорарец во Македонската радио телевизија.

Таа е позната по својата харизма и добрина, а во последно време е доста активна и на социјалните мрежи каде секојдневно објавува по нешто.

Живот многу не ја мазеше Сузе, па таа загуби неколку сакани и блиски личности, меѓу кои нејзинито сопруг Маријан и брат и Панде.

Но, и покрај сите немили настани кои ја снашле Сузе, таа се уште ги задржува својата позитива, добрина и надеж за подобро утре за неа и за нејзините деца.

На нејзиниот Фејсбук профил таа денеска се присети на едно дамнешно време, за нејзините почетоци во музиката, но и за тоа кој и бил најголема поддршка во животот.

„Офиц ерски дом… местото каде во далечните 80ти го имав првиот настап, првото затреперување на гласот и место каде во преполната сала ги барав сините очи на татко ми Васко, кој беше мојата најсилна поддршка и најверна публика.“