Сторијата за Мишко Тасев од кочанско Мородвис кој живее осамен и сиромашен живот го привлече вниманието на пошироката македонска јавност.

Како што кажа се храни со леб постар повеќе од една недела, но некогаш останува и без него. Ако има нешто ќе намачка на леб а тие денови за него се луксуз.

Овој 29- годишен човек уште како дете бил исмејуван и оттурнуват од околината. Животот го минал воопшто.

Мишко е човек со попреченост и не е способен да работи секаква работа. Тој исто така е во не поволна финансиска состојба, претходната зима ја минал во мрак.

– Живеам без струја и без дрва, имам браќа и сестри, но тие си ја гледаат нивната работа и живот. Јас немам никаков приход.

Големиот хуманитарец од Штип, Александар Горгиевски кој во јавноста е познат како Бате Аце денес го посети Мишко и во оваа приликата кажа:

Ветено – Остварено. Мишко Тасев од село Мородвис Кочанско како што најавив и ветив денес го посетив и му обезбедив храна хигиенски сретства пијалоци и се што му е потребно да живее безгрижно најмалку два месеци.

Морам да потенцирам дека преку мојот драг пријател од Кавадарци Борче Стаменов Донирај Компјутер – Борче Стаменов му обезбедив и компјутер и истиот му е доставен на Мишко

Струјата која беше исклучена веќе е минато Мишко , има струја во неговиот скромен дом може да живее достоинствено и безгрижно.

Сакам јавно да се заблагодарам на сите што се вклучија и помогнаа да експресно му помогнеме на ова скромно момче се надевам придонесовме малку од малку животот да му го олесниме “подај рака спаси живот” Александар Горгиевски.