„Само да се знае кој го вози тракторот и кој ги отвора портите“, вели веселата и насмеана црн ка која седи зад воланот на голема машина во интересно видео. Додека таа вози, во позадина се гледа маж како и ги отвора портите.
Оваа жена се вика Јелена Златанов (27) и е земјоделец од Пирот. Покрај тоа, таа е мајка на двегодишно момче и она што луѓето го нарекуваат „жена змеј“.
По разводот на Јелена и било тешко да најде работа, а вели дека не сакала да работи прекувремено за минимална плата и дека немала време да му се посвети на синот. Таа работи се, и машка и женска работа – вози трактор, ора, копа, сади, коси.
– Татко ми и мајка ми имаат земјоделска фарма во предградието на Пирот. Знаев дека им е тешко, едвај врзуваат крај со крај и решив да им помогнам и на нив и на себе. Така станав фармер по разводот – изјавила Јелена за Телеграф.рс.
Додалв дека сака да се држи подалеку од луѓето кои постојано поставуваат прашања и размислуваат и да се посветува на животните со кои се е полесно.
– Работниот ден ми започнува во седум часот наутро. Имаме седум крави и околу педесет овци. Наутро им давам вода и ги хранам, а физички е најтешко кога треба да се исчисти.
Додека ја товарате и растоварате количката, навистина се мач ите, но, ако ме прашате мене, подобро е отколку повторно да работите со луѓе – вели Јелена.
Нејзиниот татко повеќе работи на нивите, каде што е задолжен за сеното, пченица, пченка, а мајка и се грижи за животните. Сепак, посочува Јелена, државата треба повеќе да се грижи за земјоделците бидејќи и со сета мак отрпна работа има само доволно пари за опстанок.
– Ѓубривото поскапе, се поскапе, а млекото на пример останува исто или се зголемува за динар, два. Една вреќа ѓубриво сега чини околу 3.000 динари.
Врзуваме крај со крај, но мене ми е подобро поради детето, бидејќи има мајка која е до него и може да му се посвети, што не би можела толку многу доколку работам во приватна фирма – заклучува Јелена.
Затоа, вели таа, земјоделството ќе остане нејзин повик и во иднина. Вели дека се спасила со работата и веќе не ја трга насмевката од лицето.
Фото: Приватна архива