Работниот век на секој човек му поминува со надеж дека ќе дочека пензионирање или ќе добие барем некаква заслуга долгогодишното работење.

Маријан Љубиќ работи 35 години во градежната компанија Ника. Годишнината од јубилејот се совпадна со прославата на неговиот 60-ти роденден. Шефот решил да го изненади и му подарил нов автомобил, а стариот автомобил сега ќе и го даде на ќерка си.

– Многу сум среќен, навистина не знам што да кажам. Возбуден сум, не очекував таков подарок. Всушност, не очекував ништо. Мојот роденден веќе помина, па ова навистина ме изненади, ме израдува.

Феноменално е чувството, како да играш лото 35 години, а потоа еден ден навистина ќе добиеш. И тоа е главното достигнување – раскажува возбудено, со неизмерна радост во гласот Маријан Љубиќ (60), кому шефот му подари автомобил.

Тоа е еден вид благодарница за 35 години континуирана работа во градежната компанија Ника, чие седиште е во околината на Вараждин.

– Маријан е наш верен вработен од првиот ден, што значи дека е со нас 35 години! Честите промени во работната средина денес се секојдневие и затоа оваа повеќегодишна лојалност е вистинска реткост.

Кога еден ваков јубилеј се поклопува со прославата на 60-тиот роденден, нема ништо поубаво од изразување благодарност со соодветен подарок: новата Шкода Октавиа.

Му благодариме на Маријан за неговата долгогодишна лојалност и напорна работа и веруваме дека доаѓањето на работа отсега ќе му биде уште попријатно и поудобно – објавено е на социјалните мрежи на компанијата.

Сопственикот и директор на Ника конструкции, Звонко Кишиќ, накратко телефонски ни изјави дека му е благодарен на Маријан за сите години. Беше изненаден од тоа колку брзо се рашири веста.

Маријан на 5 септември го прослави својот 60-ти роденден, опкружен со семејството и пријателите. Тој среќно признава дека неговиот стар автомобил сега ќе и припадне на неговата ќерка.

– Нема да мораме сите повеќе да споделуваме еден автомобил.  Навистина сум пресреќен, ни во моите најл уди соништа не би очекувал вакво нешто. Капа долу за шефот, колегите и сите останати – се радува Маријан.

Неговиот пат до работа со нов автомобил, признава, не е долг. Од дома до работа има само четири километри, или неколку минути возење, но сигурен е дека секој пат ќе ужива во својот нов автомобил.

Тој додава дека му остануваат уште неколку години до пензија. Целото работно искуство би сакал да го заврши во Ника конструкции. Доколку здравјето му дозволи, тој е убеден дека ќе може да го види своето пензионирање во компанијата откако ќе го заврши својот целосен стаж.