Тијана Тодевска – Дапчевиќ е македонско-српска поп-пејачка и глумица. Освен тоа е композиторка и професорка по виолончело, а дипломирала на Факултетот за музички уметности во Скопје.

Има добиено голем број награди во нејзината музичка кариера, а големо достигнување и е учеството на Евровизија 2014 во Данска каде ја претставуваше Македонија. Македонската јавност често можеше да ја гледа и на МРТ телевизија во ТВ серијата „Преспав“.

Тијана Дапчевиќ е во брак со сопругот Милан повеќе од 20 години, а нивната љубовна приказна е доста необична. Кога дошла на работа во Белград, Тијана ја искористила приликата да го посети Сомбор за да може да го види нејзиниот брат, кој обично живее во Мелбурн.

Таму го запознала човекот на нејзиниот живот. Тијана и Милан се запознале на кошаркарски натпревар во Сомбор, а по четири дена врска почнале да живеат заедно.

– Мајка ми го прочитала расказот на Ѓура Јакшиќ за Тијана која била вљубена во Милан. Поради таа Тијана, подоцна решила и мене така да ме крсти.

Две школи, една академија и неколку љубови подоцна, Милан го запознав на место каде што не ни знаев дека можам да бидам (кошарка), затоа што не можам да поднесам спорт, вели Тијана.

Таа изјави во една прилика дека нејзиниот брак не е идеален, но дека опстојува благодарение на љубовта што Милан и таа ја чувствуваат еден кон друг. Заедно го имаат синот Вук.

Пејачката и нејзиниот сопруг долго време се бореле за потомство, а кога почнала да размислува за ин витро, Тијана забременила со природно породување.

– Отсекогаш сум велела дека ќе родам машко дете, синот на мајка, кој ќе личи на мене. Тој е навистина истиот јас, само што е изграден како татко му. Сепак, и тој е тврдоглав и упорен како Милан. Никогаш не се покајав што имам само едно дете, Вук ми вреди десет.

Инаку, пејачката неодамна откри дека освен со музика таа и нејзиниот сопруг се занимаваат и со земјоделство.

– Овде не можеш да живееш само од музика и виолончело. Сега во меѓувреме се занимавам и со земјоделство. Нека не ви е смешно, имам ореви – откри Тијана пред неколку месеци за „Гранд вести“.