Меѓу вообичаените видови домашни животни кои се одгледуваат на селските имоти, селото Сакуле може да се пофали со малку поинаква атракција.

Трите ноеви кои Бранимир Скочиќ ги добил пред две години го привлекуваат вниманието на мештаните и на минувачите во овој круг.

На влезот во селото Сакуле, каде стои натписот „Хациенда Скочиќ“, минувачите можат да застанат и да видат три ноеви, кои се дел од семејството на Бранимир.

Заедно со нив во дворот се и пауни, лебеди, украсни патки, и други птици, а Бранимир ги одгледува од чисто задоволство, пишува „РТС“.

„Ова го правам за да уживам овде после работа, да се одморам, прво психички да се растоварам од гужвите на Белград, жешкиот асфалт“, вели Бранимир.

Бранимир своите животни ги чува во кафе зи и штала, бидејќи има и кози, коњи и диви свињи. Кога го нема, за нив се грижи мајката Даница, пензионерка.

Мини-зоолошката градина често ја посетуваат деца од соседството, кои сакаат да јаваат коњи. А има и доста посетители од страна.

Лука Мартинов доаѓа да и помогне на баба Даница и да ги нахрани животните. Тој беше особено среќен кога дојде коњот.

Иако има вложено многу пари во целата околина, Бранимир не смета на никаква заработка, дури и кога ноевите ќе почнат да несат јајца следната година. Има добра соработка со белградската зоолошка градина.

„Пред една година ми беше пов реден нојот, имаше зафат врз него. Контактирав и ветеринарот од белградската зоолошка градина дојде.

– Секогаш ни требаат нивните совети за пауни и ноеви. За среќа се се заврши добро и нојот се опоравува“, вели Бранимир.

Тој се надева дека преку нив ќе може да добие уште некои егзотични животни како зебра или жирафа и дека ќе има повеќе време да им посвети на своите миленици.