Српската актерка Марија Петронијевиќ ја запознавме преку улогите во сериите „Село гори, баба се чешла“, „Шифра деспот“, „Браќа од бабините линии“ и многу други.

Таа еден ден реши целосно да го промени својот живот и се врати во родното село Висибаба и штиците што живот значат ги заменила со мотика и трактор.

Многумина мислеа дека оваа фаза од животот ќе и помине, а таа повторно ќе ги облече штиклите. За среќа, тоа не се случи, како што вели. Денес води фарма со 300 овци и безброј садници од разни растенија.

– Во моментов произведувам саден материјал за мои потреби, бидејќи решив да направам парк или шума, која секако ќе го има својот полн сјај.

Потребни се 30 години за домашниот костен да почне да вроди со плод, а јас планирам неколку хектари со костени – вели актерката во интервју за Блиц.

Снимката на која се гледа како копа по нива, вози бали сено, плете и стриже овци изгледаше како трејлер за филм што го подготвува. За жал, Марија забележува дека како жена која се занимава со земјоделство наидува на ди скриминација.

– Се уште не сум научила да се справувам со тоа, таа ди скриминација не само што постои, туку е универзална. Се трудам да задржам мирен тон и израз, но понекогаш не ми успева.

– Свеста е подеднакво лоша, или недоволна кога зборуваме за животната средина. Можеби луѓето имаат некои деловни или егзистенцијални проблеми, но доволно е да се погледнат речните сливови на која било река и бројот на вреќи што може да се најдат, што е обратно пропорционално со свеста за потребата од зачувување и грижа за животната средина.

Нејзиниот син наскоро ќе наполни една година, а кога станува збор за вредностите кои актерката сака да му ги всади додека расте таа изјави:

– Засега живее на отворено, шета бесконечно низ дворот. Вредноста што се обидувам да му ја всадам е: синко, целиот свет е твој и можеш да стигнеш до ѕвездите ако го сакаш тоа.

Иако животот целосно го преселила на село, на Марија во некои ситуации сепак и недостасува градот.

– Градот можеби поради можноста да се посетат културни манифестации, кои се побројни отколку на мало место како што сум моментално, заклучува Марија.