Пандемијата што ги упро пасти двете сезони, но и желбата на граѓаните годинава да видат море, масовно ја подигна побарувачката за сезонски работници во соседството, но и цената на нивната работа. Во Хрватска и Црна Гора се бараат повеќе работници, а платите се и до 2.500 евра.

Само во Хрватска и недостигаат околу 35.000 работници, а недостигот може да биде можност за домашните работници, да се офајдат.

Се очекува најдобро да се снајдат работниците во угостителството, чии плати се движат од 600 евра најмалку (колку што се плаќаат хотелските собарки) до неколку илјади евра, на кои можат да сметаат професионалните готвачи.

Многу работодавци веќе бараат работници, а српските угостители веќе ја чувствуваат дупката.Работниците во последните недели се почесто им најавуваат откази, а како што велат, пресметката е јасна.

– Мојот келнер оди во Црна Гора за плата од 800 евра плус сместување и храна. Тие што одат во Хрватска преговараат за уште подобри услови – вели еден белградски угостител за ,,Блиц.рс”

Од 150.000 работници кои ѝ се потребни на Хрватска за претстојната летна сезона, меѓу 30.000 и 35.000 моментално се се недостаток, соопшти Хрватската служба за вработување.

Ниту платите не се мали, на пример, платата за готвач се движи од 2.000 до 2.500 евра, за келнер околу 1.000 евра плус бакшиш, а другите помошни работници можат да очекуваат плати од 500 до 1.000 евра.

Треба да се напомене дека кога ќе ги погледнете огласите на Интернет, со овие плати речиси сите работодавци нудат сместување, а многу голем број од нив обезбедуваат оброци на своите вработени.

Проблемот со недостигот на работна си ла е нешто со кое и Црна Гора се соочува долги години. Оваа земја на почетокот на годинава ја зголеми побарувачката за работници.

Како и минатата година, во Црна Гора се очекуваат високи плати за сезонските работници. Огласите на интернет нудат плати на шанкерите од 800 до 900 евра, келнерите малку пониски, околу 700 евра,

На готвачите им се нудат плати од 1200 евра па нагоре. Се разбира, во „полуксузните“ одморалишта платите на работната сила се значително повисоки.

Исто така, тамошните работодавци се повеќе се интересираат за работна сила од далечните пазари, на пример Кина, Филипини, Мексико итн.