Македонската пејачка Сузана Гавазова важи за една од нашите најубави и најзгодни жени на македонската јавна сцена.

Пејачката е една од ретките која навистина многу се грижи за својот физички изглед. Освен што плени со својата несекојдневна боја на глас, таа воодушевува и со својата става.

Така, каде и да се појави секогаш е добредојдена, прави вистински дар – мар, а публиката во еден глас ги пее нејзините песни.

Сузана Гавазова важи за една од најпопуларните македонски турбофолк пејачки, која зад себе има изработено повеќе од пет албуми и има издадено повеќе спотови.

За Влатко Миладиноски не е потребно да се трошат зборови. Неговата колешка Сузе отсекогаш имала убаво мислење за него: на едно гостување во емисија на МТВ таа му даде голем комплимент откако напиша: Со кралот на македонската песна.

Така и сега, Гавазова не штедеше на зборови и за емисијата Магазин си кажа што се мисли за Влатко Миладиноски, а на крај му упати едно доста интересно прашање.

„Не се сеќавам како и кога се запознавме, но знам дека кога излезе пред 18, 20 години со песната „Кате, Кате“ веднаш го забележав и се распрашувавме кое е тоа дете.

Дознавме дека е на Војо Стојаноски, сега по коен, внук и веднаш рековме дека тоа е тоа, талентот, генот си го има. Трудот и талентот излегоа на површина тој е сега успешен пејач со хит до хит“, кажа Сузана.

Имаше само пофални зборови и за работата со него. Вели дека секогаш поминуваат без не рвози, преубави моменти минале работејќи како во Македонија, така и во странство.

„Тој работи тимски, пред се е господин, нема его така што со него кога работиме едноставно зрачиме со некоја позитивна енергија на сцена и публиката тоа го чувствува, па се прави добра атмосфера.

Најмногу ми се допаѓа кај Влатко тоа што е секогаш смирен, нкогаш го немам видено нервозен, тој е доста паметен и културен човек. Не сум слушнала лош збор од него.

Со оглед на тоа дека има прекрасна вила во селото Јаорец покрај р. Студенчица, сум видела убави снимки дека има широка полјанка со трева, па би сакала да знам кој ја коси тревата?“, отворено си праша Сузе.

Одговорот на Влатко следуваше: „Јас лично, како што велат со овие две раце, сега барам да се подновам со нова косачица. На 28ми мај ми е роденден Сузе, можеш да ми подариш“, низ шега кажа тој.