Работата на земја не е лесна, често бара откажување од други работи, бара многу време и пари, но и постојани иновации.

Токму на второто посегна брачна двојка од Неготин, која на својот имот засади необично растение од кое заработуваат повеќе од солидна пара.

Во краинското село Тамнич има ниви со најскапото растение на светот, најскапо затоа што од него се прави најскапиот зачин на светот. Ова се првите полиња шафран во регионот.

Неда и Саша Николиќ од Неготин ги засадија насадите пред пет години, сакајќи да се занимаваат со органско производство на растенија што никој пред нив не ги одгледувал на овој простор.

Најскапиот зачин во светот се прави од цветот шафран, кој обично се бере во октомври. Не е ни чудо што зачинот е најскап кога за еден килограм се потребни и до 200.000 цветови, кои се исклучително чувствителни.

Неда и Сашо се просветни работници и родители на три момчиња, но пред неколку години решија да се впуштат во овој бизнис.

Првите шафрани за садење ги набавиле од Франција, преку познаници бидејќи до тој момент во овој регион никој не се занимавал со тоа.

Отпрвин, за мештаните било невообичаено да го видат нивното навидум празно поле, каде што постојано работат и чепкаат, кое изгледа како ништо да не расте таму.

– И јас и мојата сопруга сме просветни работници, јас работам во основно училиште како професор по математика, а таа во средно и предава електротехнички предмети.

– Се решивме на овој необичен начин да започнеме нешто ново, малку ри зикувавме, не знаевме на што сме но испадна многу добро, вели Сашо.