Атифа Љајиќ (65) од Нови Пазар го оствари својот животен сон и пред пет години стана мајка. Нејзиното патешествие да има дете траело со години а упорноста се исплатела.

– Имав три неуспешни ИВФ. Успеав во четвртиот обид и ја родив Ајлин на почетокот на седмата деценија од мојот живот.

– Ја одржував бременоста во Нови Пазар и Белград, не беше лесно, но успеав и ги поместив границите, раскажува за Информер Атифа Љајиќ, мајка херој.

Оваа жена вели дека никогаш нема да го заборави моментот кога го донеле нејзиното бебе во породилиште во нејзина прегратка.

-Кога го донесоа моето бебе во породилиште, ми беше лошо и само ги прашав лекарите дали моето бебе е здраво и живо. Пла чев на цел глас, не можев да се смирам. Тоа беше најсреќниот момент во мојот живот, вели Атифа.

Работела во ТК Рашка цели три децении. Зема пензија од 14 илјади динари ( седум илјади денари) и плаќа кирија а воедно и во лоша ситуација.

– Киријата до неодамна беше 150 евра, а сега е 200. Немам ни кирија да платам, но луѓето ми помагаат. Добивам донации од целиот свет.

– Живееме од помошта на добрите луѓе. Тешко е, но само посакувам Ајлин да биде жива и здрава. Разгалена е, никогаш не сум и скратила од нешто… Се дружи со другарките од градинка. Таа си бара внимание.

Во средата навечер, хуманитарката од Нови Пазар, Нерма Зекиќ Хоќанин стапила во контакт со Атифа и и соопштила радосна вест.

– Бев контактирана од госпоѓа која сака да остане ано нимна и обезбеди стан за доживотна употреба. Дополнително, тие ќе ни ги плаќаат месечните сметки. Ова е големо олеснување за нас бидејќи најважно ми е што моето дете има покрив над главата, па ќе видиме што ќе биде, изјави Атифа за Информер.

– Го прославив само првиот роденден на ќерка ми, немав повеќе. Летово преку здружението на пензионери ја однесов на море. Многу сакав да имаме покрив над главата, а сега тоа се оствари, вели таа.