Милан и Нада Ѓуповац, брачна двојка од Шабац, пред 5 години решиле од центарот на градот да се преселат во населбата Јевремовац, каде изградиле необичен дом.

Со месеци сами градеа куќа од слама, иако немаа искуство со градење. Потоа, како што објави Курир уште во 2017 година, очекувале пред зимата да се вселат во нов дом.

Се преселиле во 2018 година, а потоа пресметале дека ваква куќа од 120 квадрати ќе ги чини околу 20.000 евра, што било за нив тешко изводливо но…

Кога започнале Нада тешко можела да крева нешто потешко од кеса со лекови бидејќи работела како аптекарка. Но сепак доста се трудела и ја туркала количката.

За цела куќа потрошиле околу 300 бали, а целиот материјал е од природата – земја, глина, слама, плева и вода. Нивната главна алатка се рацете.

– Ние работиме како што работеа нашите предци пред сто години. Наместо малтер, глината ја мешаме со слама или плева, во зависност од тоа дали ќе нанесеме погруб или поситен слој.

– Потребна е сила за добро да се втемели калта. Од тоа зависи стабилноста на нашиот иден дом – објаснува Милан Ѓуповац.

Тој е професор по физика, па вели дека ја има таа сила, а работата дома му ја зајакнала состојбата. По неговите стапки оди и неговата сопруга Нада,

Која досега не работела толку тешка физичка работа, но нејзиниот мотив е желбата да живее во склад со природата. – Тешко е, но кога знаеме што ќе имаме на крајот, ништо не е толку тешко.

Дури и оваа физичка работа е повремено пријатна – вели Нада. Седум години живееле во центарот на градот, а потоа со трите деца решиле да се преселат. Меѓутоа, нивниот син Жарко, кој тогаш имал шест години, не бил најсигурен зошто неговите родители градат куќа од слама.

– Вели ќе дојде волк и ќе ја однесе куќата од слама. Мила и Марко се уште помлади, па е уште потешко е да се објасни. Сепак, знаеме дека им е одлично.

– Тие ќе живеат во хармонија со природата. Овде имаат и двор, па ќе можат да играат. Им посакуваме убаво детство – објаснува Нада.

Ѓуповци велат дека нивната куќа, иако е од слама, не може да ја однесе ниту најсилното невреме, ниту некоја слична непогода.

Лесно се загрева во зима, а се лади без клима во лето. Тие веќе направија „ра кетна“ печка. На покривот ќе постават соларни панели, а од бунарот ќе им доаѓа ладна вода.

– Идејата беше моја, но заедно гледавме на интернет како се гради куќа од слама. Нам ни беше важно да биде од природни материјали кои ги најдовме во радиус од 50 километри – објаснува Нада.

Нема опа сност од по жар, објаснуваат домаќините. Единствен проблем може да биде влагата, но тоа се решава со изолација. Важно е темелите да бидат добри.

Покривот од трска со дебелина од 30 сантиметри не држи вода, но само за него ангажирале мајстори. Се друго е во нивни раце.

Нада и Милан велат дека пред куќата ќе има базен каде ќе се обработуваат отпадните води од кујната и ќе излегуваат технички исправни.