Моменталната ситуација е таква што е исклучително тешко да ангажирате сигурни, професионални и педантни луѓе на кои ќе им дозволите да влезат во вашиот дом и да поминат неколку часа во него, средувајќи и чистејќи

Минималната саатница за извршување на оваа работа е 450 динари на час, од кои подобра цена нема, но покрај тоа, многу тешко се наоѓа квалитетна.

Поверојатно е дека за таа помош ќе треба да платите меѓу 500 и 600 динари, но сепак не ви е гарантирано дека ќе можете да најдете хигиеничар или чистачка „од денес за утре”

– Па, тоа е речиси невозможно. Денес е толку тешко да се најде хигиеничарка. Дури и да го занемариме фактот дека нивната дневница скокна на повеќе од 500 динари, и дека треба да останат неколку часа кај вас, тие едноставно не постојат и има огромна побарувачка за нив.

Да не зборуваме дека овде треба да внимаваш, бидејќи не е исто да оставиш некој да остане неколку часа во куќата додека не си присутен – вели за ,,Инфостуд” Јована од Белград, која со години ги користи услугите на куќни помошнички и хигеничарки.

Овие позиции се подеднакво дефицитарни како и оние за возачи, пекари, месари и други слични професии. Бранка Радовановиќ од Панчево, која работи како хигеничарка, вели дека клиентелата ја сочинуваат претежно млади брачни парови на возраст од 30 до 40 години.

Кои сакаат што повеќе време да поминуваат со пријателите надвор од домот. Сепак, услугите на хигеничарките често бараат и постари и бо лни сограѓани кои немаат сила да ги извршуваат домашните работи.

– Тоа е специфична работа. Многу бара и многу исцрпува. Секој клиент има свои желби и потреби и без исклучок сака куќата или станот да му се уреди што побрзо и да помине што поевтино.

– Навистина, има луѓе кои сакаат да одолговлекуваат за да помине час повеќе, но од друга страна, има и некој кои претеруваат во желбата што побрзо да се заврши работата – вели оваа 50-годишник со дведецениско искуство во оваа работа.

– Ако останете и работите осум часа дневно, шест дена во неделата, плус викенд на кој можете да ја покачите цената, можете да заработите и до 100.000 динари (50.000 денари) месечно – вели Бранка.

Таа особено истакнува дека во последните 7-8 години ретко видела колешки помлади од 40 години, што укажува дека младите девојки не сакаат да се занимаваат со оваа работа.

Бисерка Марковиќ (54) од Белград е вработена во продавница и вели дека тоа и е дополнителен извор на приходи, покрај постојаното работно место кое работи од 7.30 до 16.30 часот.

– Речиси секој ден, вклучително и саботата по завршувањето на редовната работа, не одам директно дома, туку одам да чистам куќи и станови.

 

Важно ми е добро да се согласувам со луѓето со кои работам, сакам кога јасно кажуваат што им е важно и на што да внимаваат и се трудам тоа секогаш да го почитувам – вели Бисерка.

Бисерка наведува дека за извршување на оваа работа е важно да се стекне довербата од клиентите, за да се добијат редовни клиенти:

– Поради тој фер однос со години имам редовни муштерии. Одам кај нив еднаш до двапати неделно, редовно го одржувам станот, често ми ги оставаат клучевите и се враќаат во договореното време само да ми платат.

– Фала му на Бога, добро ме служи здравјето, има доволно работа и постојано ми се јавуваат нови клиенти, но морам да ги одбијам бидејќи едноставно не можам да постигнам кај сите – открива Бисерка Марковиќ, која често мора да работи и во недела поради обемот на работа.