Една од најпознатите писателки, Елизабет Гилберт, чие едно од најпознатите дела е „Јади, моли се, сакај“, на веб-страницата на Опра Винфри со публиката сподели важна сцена од нејзиното детство.

Мајка ѝ во тие неколку дена мајсторски ја играше улогата на родител, а Елизабет друга улога во училишна претстава. Потоа од мајка си научила 5 важни лекции кои ги чувала до крајот на животот, пишува ,, Сенса”

„Кога отидов во трето одделение, моравме да подготвиме училишна претстава наречена „Штанд за лимонада“. Претставата, се разбира, беше штанд за лимонада, во која глумеа три девојчиња кои долго чекаа некој да купи лимонада.

Да не се фалам, но јас бев една од најуспешните актерки во трето одделение. Јас и сестра ми веќе режиравме дузина претстави дома во дневната соба и имав толку силен глас што ме слушаа низ целата соба, па и пошироко.

Затоа, не се сомневав дека јас сум првиот избор за една од главните улоги. Но, шоу-бизнисот е су ров, па не ја добив улогата на една од трите девојки што ќе застанат зад штандот со лимонада.

Ја добив улогата на г-ѓа Филдс – единствениот возрасен лик во претставата. Ова можеби имаше смисла за нашата учителка, бидејќи бев 25 сантиметри повисок од другите деца во одделението, но тоа беше една од најмалите улоги во претставата. Мојот лик, г-ѓа Филдс, имаше само две реченици во претставата.

Мајка ми не беше ниту светица ниту олицетворение на доблест; таа беше обична жена која, како и многу мајки, даваше се од себе за доброто на децата, понекогаш сопнувајќи, а понекогаш успевајќи. Но, во овој момент од мојот живот, таа навистина триумфираше.

Ќе почнам со она што не го направила: Не отишла кај директорот и барала нејзината ќерка да добие подобра улога, ниту пак дозволи со мојот неуспех да ја нахранам нејзината несигурност.

Таа го направи ова; состави неверојатна програма од неколку чекори за да ми помогне да закрепнам. Прва на ред беше осаменоста.

Плачев, таа ме тешеше. Но, кога станува збор за детската та га, како и за возрасната, осаменоста делува само одреден временски период.

Мајка ми ми даде пет важни животни совети со кој ќе се носам низ целиот живот и ќе ми значат, ќе бидат почеток на се што планирам да направам.

1. Обидете се да извлечете максимум од секоја ситуација во која ќе се најдете 2. Ако ви се даде можност да зборувате, погрижете се вашиот глас да се слушне.

3. Забавувајте се 4. Целосно усовршете ја вашата улога. И најважно од се: 5. Ако животот ви дава лимони, не задоволувајте се само со лимонада – направете прекрасна сцена покрај штандот за лимонада.