Игор Џамбазов секогаш знае да биде актуелен и интересен за јавноста. Тој еден од најдобрите и најпознати Македонци, човек со неколку професии според многумина ја доживува својат втора младост.

Водителот, шоумен, музичар и писател долг период е заедно со планинарката Илина Арсова со која поминува се повеќе време, а  често споделуваат заеднички фотки и видеа на социјалните мрежи.

Јавноста го гледа и на телевизија МРТ1 каде што секој викенд го води квизот на знаење „20 секунди“.

Игор Џамбазов ја обожава природата, сака вода, сонце и убава енергија, па токму затоа веќе со месеци се буди и заспива со поглед на Дојранското Езеро.

Покрај тоа што своето време го минува во Скопје, Џамбазов си живее и во Дојран.

Тој е во тек со новото време на технологијата, па така како и повеќето познати има профил на социјалните мрежи.

Игор е активен на својот „Инстаграм“ каде што речиси секојдневно споделува по нешто. Откако се активираше, на Инстаграм профилот кај Игор Џамбазов постојано осамнува некоја нова објава.

Неговите следбеници кои бројат нешто повеќе од 105.000, редовно може да видат и прочитаат негови инспиративни и досетливи мисли поврзани со актуелности и животни искуства.

Сепак, изгледа некој решил да го „модернизира“ уште толку познатиот шоумен, така што покрај официјалните профили направил еден на социјалната мрежа Тик-Ток во негово име.

Имено, Игор толку бил испрово циран што му посвети објава на оној кој го сторил тоа.

„Ти, што се претставуваш во мое име, објавуваш во мое име, комуницираш во мое име, тебе ти се обраќам.

Ако си некое размазено детиште, набргу ќе ти ја земам играчката, а татко ти ќе плати казна.

Ако си полнолетен глупак, пак ќе ти ја земам играчката, ама сам ќе си ја платиш казн ата.

Кој и да си, имаш 24 часа да престанеш да бидеш јас. Тоа никогаш не можеш да бидеш…

П.С. Уше тик-ток ми фали..“