Немања животот го посветил на земјоделството: Мојата генерација живее брзо, а јас сум трпeлив

  • By klaster2
  • јуни 27, 2022
  • 0
  • 59 Views

Немања Ѓедовиќ (24) од Пожега, на своите простори е познат како млад човек кој животот го посветил на земјоделството и животот во село.

Уште како мал покажувал склоност кон оваа професија, дружејќи се со постари луѓе, домаќини кои имале големи имоти и многу стока.

Обожавал да ги слуша, да „впива“ совети и мудрости што до денес не можете да ги најдете во книгите, односно мора да ги доживеете.

Ги гледал постарите како ја вршат работата на нивата, во шталата и како се однесуваат со добитокот, а потоа сето тоа го имитирал играјќи со своите играчки – животни, кои ги собирал и кои сè уште ги чува.

Додека многу млади луѓе фантазираат за кариера надвор од село, некои дури и надвор од земјата, Немања фантазира дека еден ден ќе почне да заработува доволно за да остане на село.

Сака да патува и да посетува други градови, но како што вели, неговата земја и неговиот дом се место каде тој најубаво се снаоѓа.

Овој млад човек трпеливо работи на својот имот, одгледува добиток и редовно присуствува на настани како што е косење, каде што се собираат и други млади земјоделци.

Дека не е така лесно да се посвети само на земјоделството, покажува неговата упорност и љубов, која не му дозволила да се откаже од тоа, дури ни кога морал да направи дополнителна работа за да ги покрие сите трошоци за живот.

Немања посочува дека субвенциите што ги нуди државата се многу корисни, но како би било пожелно да има повеќе за помалите земјоделци кои се уште не можат да се занимаваат со производство на големо.

Како што тврди, механизацијата е нешто што е најпотребно и мотивација, стимулации во форма на програми кои ќе им овозможат на многу млади луѓе кои сонуваат да одат на село.

Иако млад и модерен, Немања од својата генерација се одликува со квалитетите кои сè уште ги поседуваат малкумина негови врсници, а тоа се трпението и способноста да се живее во моментот.

– Мојата генерација живее брзо, јас научив трпение преку работа на село вели Немања. Работата на поле и во штала му помага да практикува концентрација.

– Како што треба зрното пченица да никне и да порасне, за конечно да се види производ, така и во земјоделството треба да се биде трпелив и полека да се работи за конечно да се види некој резултат од сето тоа – заклучи Немања за Телеграф.рс

Напишете коментар

Вашата адреса за е-пошта нема да биде објавена. Задолжителните полиња се означени со *