Кој планирал да патува во Австралија ќе причека – државата во која живеат многу Македонци со нова одлука

  • By admin
  • октомври 5, 2021
  • 0
  • 2175 Views

Општо познато е дека Австралија важи за држава во која живеат и работат огромен број Македонци, па поради тоа голем дел наши граѓани одат на гости, односно туристички кај нивните роднини и блиски.

Австралискиот премиер Скот Морисон изјави дека земјата ќе примa странски туристи само од следната година.

Говорејќи за австралискиот Канал 7, Морисон зборуваше за приоритетите и отворањето на границите кои беа затворени од март 2020 година.

„Ако сте биле вакцинирани двапати во странство и престојувате во Австралија, ако сте австралиски државјанин и ако сте член на семејството, можете да патувате“, рече Морисон.

Странските туристи не се на листата на приоритети и тие ќе можат да влезат во Австралија од 2022 година.

Како што рече, следниот приоритет се оние кои доаѓаат во Австралија на образование.

Во Австралија, процентот на целосно вакцинирани се очекува да достигне 80 проценти до крајот на октомври.

Во моментов, 57,4 проценти од граѓаните ја имаат завршено вакцинацијата, а 79,9 проценти добиле барем една доза.

И покрај строгите мерки преземени од 25 јануари 2020 година, кога коронавирусот за првпат беше регистриран во Австралија, вкупно 115.859 луѓе биле позитивни на Ковид-19, а 1.355 по чинале како резултат на инфекцијата.

Во моментов во Австралија се регистрирани 23.354 активни случаи, а 298 од 1.535 хоспитализирани пациенти се на одделенијата за интензивна нега.

Напишете коментар

Вашата адреса за е-пошта нема да биде објавена. Задолжителните полиња се означени со *